Rəhbər vəzifələrdə kimlər çalışa biləcək? - YENİ QƏRAR
26-07-2018, 12:18
Oxunub: 1 550
Azərbaycanda rəhbər vəzifələrə işə qəbul üçün qoyulan tələblər dəyişdirilib, artıq yeni rəhbər vəzifələrə qəbul olmaq istəyənlərdən bundan daha əvvəl də rəhbər vəzifələr üzrə iş stajının olması tələb edilməyəcək.
Qaynarinfo xəbər verir ki, Nazirlər Kabinetinin "Birinci-beşinci kateqoriya dövlət orqanlarında inzibati vəzifələrin birinci-yeddinci təsnifatlarına uyğun olan vakant vəzifələrin tutulmasının Ümumi Şərtləri”ndə dəyişikliklər edilib.
Bu dəyişikliyə əsasən, inzibati vəzifələrin birinci təsnifatına aid olan Aparat rəhbəri vəzifəsi üzrə işə qəbul üçün rəhbər vəzifələrdə ən azı 5 il işləmək ilə bağlı olan tələb götürülüb. Yeni tələbə görə, bundan sonra Aparat rəhbəri vəzifəsi üzrə işə qəbul üçün vəzifənin qulluq funksiyaları nəzərə alaraq, dövlət qulluğunda 8 il qulluq stajı və yaxud 11 il iş stajı tələb ediləcək.
İndiyədək mövcud olan tələbələr görə, bu işə qəbul zamanı qulluq funksiyalarını nəzərə alaraq, dövlət qulluğunda rəhbər vəzifələr üzrə 5 ildən az olmamaqla, 8 il qulluq stajı və yaxud rəhbər vəzifələr üzrə 7 ildən az olmamaqla 11 il iş stajının olması tələbi qoyulurdu.
İnzibati vəzifələrin ikinci təsnifatına aid olan Aparat rəhbərinin müavini üçün indiyədək olan iş stajına dair tələblərə görə, vəzifənin qulluq funksiyalarını nəzərə alaraq, dövlət qulluğunda rəhbər vəzifələr üzrə 3 ildən az olmamaqla 7 il qulluq stajı və yaxud rəhbər vəzifələr üzrə 5 ildən az olmamaqla 10 il iş stajının olması lazım idi. Yeni qərarla isə bu vəzifə üzrə də rəhbər vəzifələrdə işləmə ilə bağlı qoyulan tələb aradan qaldırılıb.
Yeni dəyişikliyə əsasən, bundan sonra Aparat rəhbərinin müavini vəzifəsində işləmək üçün vəzifənin qulluq funksiyalarını nəzərə alaraq dövlət qulluğunda 7 il qulluq stajı və yaxud 10 il iş stajı tələb ediləcək.
İnzibati vəzifələrin ikinci təsnifatına daxil olan Aparat rəhbəri vəzifəsinə işə qəbul üçün yeni qoyulan tələblərə görə, namizədin vəzifənin qulluq funksiyalarını nəzərə alaraq dövlət qulluğunda 7 il qulluq stajı və yaxud 10 il iş stajnın olması lazımdır.
İndiyədək mövcud olan şərtlərə görə isə bu vəzifəyə qəbul üçün vəzifənin qulluq funksiyalarını nəzərə alaraq dövlət qulluğunda rəhbər vəzifələr üzrə 4 ildən az olmamaqla, 7 il qulluq stajı və yaxud rəhbər vəzifələr üzrə 6 ildən az olmamaqla, 10 il iş stajının olması tələb edilirdi.
Mərkəzi icra hakimiyyəti orqanlarının yanında yaradılan dövlət agentliklərinin və dövlət xidmətlərinin rəhbərləri, fondların icraçı direktoru və direktoru vəzifəsinə işə qəbul üçün iş stajına dair yeni qoyulan tələblərə görə, vəzifənin qulluq funksiyalarını nəzərə alaraq dövlət qulluğunda 6 il qulluq stajı və yaxud 9 il iş stajının olması lazımdır. İndiyədək olan tələblərə görə isə bu vəzifələrə qəbul üçün vəzifənin qulluq funksiyalarını nəzərə alaraq dövlət qulluğunda rəhbər vəzifələr üzrə 3 ildən az olmamaqla 6 il qulluq stajı və yaxud rəhbər vəzifələr üzrə 5 ildən az olmamaqla 9 il iş stajının olması lazım idi.
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 16-03-2024, 09:49 : Forum iştirakçılarının sayı rekord həddədir
Analitika / Xəbərlər
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 1-03-2024, 16:14 : Xərçəng xəstəsi olan Zeynəbin səhhəti pisləşdi
Şou-Biznes / Xəbərlər
- 1-03-2024, 16:44 : İcra başçısı Milli Məclisin deputatı ilə birlikdə Qaradağlı kənd tam orta məktəbində mövcud şəraitlə tanış olub
Bölgə / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 13-03-2024, 12:37 : Beynəlxalq hüququn normaları Azərbaycanın tərəfindədir
Analitika / Xəbərlər
- 1-03-2024, 19:46 : Qəzzada həlak olanların sayı açıqlandı
Dünya / Xəbərlər
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 5-03-2024, 14:57 : İcra başçısı Milli Məclisin deputatı ilə birlikdə şəhid anası Sitarə Əzizovanı 70 illik yubileyi münasibəti ilə ziyarət ediblər
Bölgə / Xəbərlər