BolgeXeber.Com » Siyasət » Naxçıvan Nəqliyyat Nazirliyi ləğv edilib

Naxçıvan Nəqliyyat Nazirliyi ləğv edilib

31-07-2018, 17:42
Oxunub: 3 120 Naxçıvan Nəqliyyat Nazirliyi ləğv edilibNaxçıvan Muxtar Respublikasının Nəqliyyat Nazirliyinin əsasında Naxçıvan Muxtar Respublikasının Dövlət Nəqliyyat Xidməti yaradılıb

APA-nın məlumatına görə, bununla bağlı bu gün Naxçıvan Muxtar Respublikası Ali Məclisinin sədri Vasif Talıbov müvafiq fərman imzalayıb.

Fərmana əsasən avtomobil nəqliyyatı sahəsində idarəetməni təkmilləşdirmək məqsədi ilə Naxçıvan Muxtar Respublikasının Nəqliyyat Nazirliyinin əsasında Naxçıvan Muxtar Respublikasının Dövlət Nəqliyyat Xidməti yaradılıb.

Fərmanla “Naxçıvan Muxtar Respublikasının Dövlət Nəqliyyat Xidməti haqqında Əsasnamə” və “Naxçıvan Muxtar Respublikasının Dövlət Nəqliyyat Xidmətinin strukturu” təsdiq edilib, Nazirlər Kabinetinə bu Fərmandan irəli gələn məsələləri həll etmək tapşırılıb.

Qeyd edək ki, Naxçıvan Muxtar Respublikasının nəqliyyat naziri Mirsənani Mirsaleh oğlu Seyidov prezident İlham Əliyevin dünən imzaladığı sərəncamla Naxçıvan Muxtar Respublikasının Naxçıvan Şəhər İcra Hakimiyyətinin başçısı təyin edilib.