BolgeXeber.Com » Gündəm » Mehriban Əliyevaya səslənən ANA:"Ürəyimin yarısı qızımla birlikdə dəfn edilib"- MÜRACİƏT

Mehriban Əliyevaya səslənən ANA:"Ürəyimin yarısı qızımla birlikdə dəfn edilib"- MÜRACİƏT

28-09-2018, 12:17
Oxunub: 4 229 Mehriban Əliyevaya səslənən ANA:"Ürəyimin yarısı qızımla birlikdə dəfn edilib"- MÜRACİƏT"Biz ailəvi olaraq, bütün vəsaitlərimizi topladıq, dostlarımızdan, qohumlarımızdan kömək istədik və cəmisi 30 min AZN pul toplaya bilmişik"

Azərbaycan Respublikasının Birinci Vitse-Prezidenti,Heydər Əliyev Fondunun Prezidenti,UNESCO və ISESCO-nun xoşməramlı səfiri,Mehriban xanım Əliyevaya

Hörmətli Mehriban xanım,

Mən, Lerik rayon sakini, 1974-cü il təvəllüdlü Əliyeva Raifə Ağaxan qızıailə qurduqdan sonra14.06.2002 tarixində iki qızım, 2006-cı ildə bir oğlum dünyaya göz açıb. Dərin təəssüf və hüzün hissiylə bildirirəm ki, 2015-ci ildə qızım Səadəti ürək genişlənməsi xəstəliyindən itirdim. Digər qızım Sevinc isə eyni xəstəlikdən əziyyət çəksə də, müalicəyə müsbət cavab verdi və ömrünü üç il uzada bildik. Lakin indi Sevincimin də vəziyyəti ağırlaşıb. Mərkəzi Klinikada qızıma ürək genişlənməsi diaqnozu təyin edildi və yalnız ürək köçürülməsi əməliyyatından sonra qızımın sağlam yaşayacağı bildirildi. Geniş araşdırmalarımız nəticəsində öyrəndik ki, ürək transportasiyası əməliyyatı üzrə dünyada 3-cü yerdə olan Belarusiya Kardiologiya İnstitutunda ölkəmizin bir sıra vətəndaşları əməliyyat olunub, təyin olunmuş donor ürəklə təmin olunduqdan sonra daimi müalicəylə bir neçə ildir ki, sağlam yaşayırlar. Biz təcili olaraq, Belarusiya Kardiologiya İnstitutu ilə əlaqə saxladıq, qızımın müayinə sənədlərini göndərdik. Sənədlərə baxış keçirdikdən sonra İnstitutun ürək cərrahiyyəsi üzrə ekspert həkimləri bildirdilər ki, Sevinc təcili əməliyyat olunmalıdır. Əməliyyat üçün 100 min ABŞ Dolları tələb olunur (170 min AZN). Pul toplanmadıqca və İnstitutun bank hesabına köçmədikcə Belarusiya Kardiologiya İnstitutu xəstəni müayinəyə belə qəbul edə bilmir.

Hörmətli Vitse-Prezident,

Mən bir qızını itirmiş, övlad itirmək əzabını yaşamış bir anayam. Ürəyimin yarısı qızımla birlikdə dəfn edilib. Lakin qalan gücümlə ailəm – yoldaşım, qızım və oğlum üçün nəfəs alır, yaşamağa çalışıram. Allaha çox dua edirəm ki, ikinci qızım – Sevincimi itirmək acısını mənə göstərməsin. İkinci qızımı itirmək düşüncəsi belə məni dəli edir, onu itirməyi göz önünə gətirə bilmirəm, axı qızım hələ yeniyetmədir, həyatının baharını yaşayır. Qızım Sevinc təhsilini davam etdirməyi çox arzulayırdı. Bu il imtahan verib, kollecə qəbul olunmuşdu. Çox xoşbəxt idi. Lakin xəstəliyi səbəbindən qızım tələbə yoldaşlarından geri qaldı, dərslərə qoşula bilmədi. Mən çox arzulayıram ki, qızım yenidən ayağa qalxsın və tələbə yoldaşları ilə birgə təhsilini davam etdirsin. Axı onun hələ yaşayacağı gözəl günlər var, onun arzuları, xəyalları var. Mən bir qızımla ürək yanğısı ilə vidalaşmışam, lakin Sevincimi də itirə bilmərəm, onun arzuları, xəyalları ilə vidalaşa bilmərəm. Sevincin əməliyyat olub, yenidən ailəmizin Sevinci olmasını arzulayıram və bunun üçün Sizin dəstəyinizə ehtiyacımız var.

Hörmətli Mehriban xanım,

Biz ailəvi olaraq, bütün vəsaitlərimizi topladıq, dostlarımızdan, qohumlarımızdan kömək istədik və cəmisi 30 min AZN pul toplaya bilmişik. Bundan əlavə, vəsatin toplanması üçün bank hesabı açaraq, ictimaiyyətə müraciətlər göndərmişik, kampaniyalar yaratmışıq. Lakin bunun yetərsiz olduğunu gördüyüm üçün Sizdən xahiş edirəm ki, vəsaitin toplanmasında bizə öz maddi və mənəvi dəstəyinizi göstərəsiniz.
Siz dəfələrlə xeyirxah əməllər göstərərək ölkəmizin insanlarına nümunə olmusunuz, insanların həyatına, ailəsinə çıraq yandırmısınız. Bu gün mən də o insanlardan biri olaraq, Sizin dəstəyinizə ehtiyac duyuram. Mən inanıram ki, ölkəmizin birinci xanımı bizim ailəmizin çırağının sönməsinə yol verməyəcək, bizə dəstək olacaq. Bir daha Sizdən xahiş edirəm ki, vəsaitin toplanmasında bizə öz maddi və mənəvi dəstəyinizi göstərəsiniz.

Sizə öncədən təşəkkürümü bildirirəm.


Hörmətlə,
Əliyeva Raifə Ağaxan qızı

Azərbaycan Respublikası, Lerik rayon, Züvüç kənd sakini
Əlaqə nömrəsi: 070 504 23 73
Bolgexeber.com
Mehriban Əliyevaya səslənən ANA:"Ürəyimin yarısı qızımla birlikdə dəfn edilib"- MÜRACİƏT
Mehriban Əliyevaya səslənən ANA:"Ürəyimin yarısı qızımla birlikdə dəfn edilib"- MÜRACİƏT
Mehriban Əliyevaya səslənən ANA:"Ürəyimin yarısı qızımla birlikdə dəfn edilib"- MÜRACİƏT
Mehriban Əliyevaya səslənən ANA:"Ürəyimin yarısı qızımla birlikdə dəfn edilib"- MÜRACİƏT
Mehriban Əliyevaya səslənən ANA:"Ürəyimin yarısı qızımla birlikdə dəfn edilib"- MÜRACİƏT