BolgeXeber.Com » Ölkə » “Sürüşmələr davam etsə, sahildə tikilən hündür binaların hamısı çökəcək” – Memar həyəcan təbili çaldı
“Sürüşmələr davam etsə, sahildə tikilən hündür binaların hamısı çökəcək” – Memar həyəcan təbili çaldı
13-10-2018, 16:09
Oxunub: 2 829
“Bayıl ərazisində əvvəllər tikilmiş birmərtəbəli, kiçik ölçülü evlər sürüşmə yaratmırdı”.
Bunu Modern.az-a Müstəqil Memarlar Assosiasiyasının rəhbəri Zemfira Budaqova söyləyib. Onun sözlərinə görə, son illərdə tikilən çoxmərtəbəli binalar bu ərazidə problemləri artırır:
“Təxmini 10 ildir Bayıl istiqamətində sürüşmə başlayıb. Həmin vaxtı guya sürüşmənin qarşısını almaq üçün müxtəlif vasitələrlə torpağı birləşdirdilər. Halbuki sürüşmənin səbəbi yerin altındakı gil süxurlarına su hopmasıdır. Ümumiyyətlə Yer kürəsində su səviyyəsi qalxdığına görə, tərkibində gil təbəqəsi olan torpaqlarda sürüşmə yaşanır. Abşeron yarımadasında dənizə yaxın hissələr hamısı 7 metrlik gil süxurlarının üzərində dayanıb.
İnsanlar oradan mütləq köçürülməlidir. Üstəlik sürüşmələr davam etsə, sahildə tikilən hündür binaların hamısı çökəcək. Hesab edirəm ki, Abşeron yarımadasının dənizə yaxın hissələrində təhlükə çoxdur”.
Z. Budaqovanın sözlərinə görə, keçmişdə insanlar bilirdi ki, hansı tərəfdə yaşayış olar, harada olmaz.
“Bayılda XX əsrin əvvəllərində sürgünə göndərilmiş, evsiz insanlar, Rusiyadan, başqa ölkələrdən qaçıb Azərbaycana gələnlər, həbsxanadan qaçanlar, məcburi köçkünlər orada evlər tikir yaşayırdılar. Orada türmələr olub, müvəqqəti məhbusları saxlayırdılar. Sonralar isə Bayılda yaşayışın qarşısını almaq əvəzinə daha da iri binalar tikdilər”.
Xatırladaq ki, Bakının Badamdar qəsəbəsindən 20-ci sahəyə gedən yolun kənarındakı yamacda sürüşmə aktivləşib. Hadisə nəticəsində həmin yolda hərəkət məhdudlaşdırılıb və yamacda yerləşən 8 fərdi yaşayış evinin sahiblərinə evləri müvəqqəti boşaltmaq tapşırılıb.
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər