loading...
XƏBƏR LENTİ
ƏN ÇOX OXUNULANLAR

SORĞU
 

Saytımızın yeni görünüşü

Əla!
Yaxşı
Normal
Fərq görmürəm
Çox pis!

 
 

“Arvadımın şəkilləri sosial şəbəkələrdə yayılmışdı” – Sumqayıtda tükürpədən namus cinayəti

“Arvadımın şəkilləri sosial şəbəkələrdə yayılmışdı” – Sumqayıtda tükürpədən namus cinayətiArvadını amansızlıqla öldürməkdə ittiham edilən şəxs növbəti dəfə hakim qarşısına çıxarılıb.

Minval.info xəbər verir ki, Bakı Ağır Cinayətlər Məhkəməsində qətl törətməkdə təqsirləndirilən Rəfael Feyziyevin cinayət işi üzrə məhkəmə iclası keçirilib.

Hakim Rasim Sadıxovun sədrliyi ilə keçirilən prosesdə dövlət ittihamçısı çıxış edib.

Prokuror R.Feyziyevə qarşı irəli sürülmüş ittihamın məhkəmə istintaqı dövründə tam sübuta yetirildiyini bildirib.

Dövlət ittihamçısı R.Feyziyevin 17 il müddətinə azadlıqdan məhrum edilməsini istəyib.

R.Feyziyevin vəkili müdafiə çıxışı edib. Vəkil bildirib ki, R.Feyziyevə qarşı irəli sürülmüş xüsusi amansızlıqla adam öldürmə ittihamı ilə razılaşmırlar.

Məhkəmənin hökmü ilə R.Feyziyev 15 il müddətinə azadlıqdan məhrum edilib.

Qeyd edək ki, Rəfail Feyziyev elan olunmuş ittihamla özünü təqsirli bilmir. Deyir ki, həyat yoldaşını namus üstündə öldürüb.

Əlavə edib ki, arvadının hərəkətlərini onun qardaşına da söyləyibmiş: “Oğlumuz, qızımız var. Amma bu yola düşdü. Qardaşına bu barədə demişəm. Kimlərsə gəlib mənim evimin qapısını döyüb. Arvadımın şəkilləri sosial şəbəkələrdə yayılmışdı. O mənə deyirdi ki, Rövşən adlı şəxs guya onu nəyəsə məcbur edir. Həmin şəxsi də polisə verdim. Daha sonra həmin şəxslə parkda görüşdüm. Mənə söylədi ki, get evdəki komputerdə mənim şəkillərim var. Müstəntiqdən soruşanda oğlumun müştərisi olduğunu dedi. Sonra gedib evdə həmin şəxsin şəkilini kompuyterdə tapdım. Arvadımdan soruşdum ki, bu şəxs kimdir? Mənə dedi ki, yaxşı eləmişəm”

R.Feyziyev elə bu sözə görə də arvadını öldürdüyünü bildirib.

Hadisə bu il mayın 18-də Sumqayıt şəhərinin 9-cu mikrorayon ərazisində baş verib.

Məlumata görə, Sumqayıt şəhər sakini, 1982-ci il təvəllüdlü Rafət Feyziyeva əri Rəfael Feyziyev tərəfindən bıçaqlanaraq qətlə yetirilib. Qətli törədən R.Feyziyev könüllü olaraq polisə təslim olub.

Feyziyev barəsində Cinayət Məcəlləsinin 120.2.4-cü (qəsdən adam öldürmə, xüsusi amansızlıqla və ya ümumi təhlükəli üsulla adam öldürmə) maddəsi ilə ittiham edilir.
Bölmə: Ölkə | 23 oktyabr 2018 16:27 | Baxış sayı: 57





ŞƏRH YAZ
Adınız:       E-mail ünvanınız:

Qalın Maili Alt cizgi Üst cizgi | Solda Mərkəzdə Sağda | Gülməcə əlavə et Keçid linki əlavə etQorunmuş keçid linki əlavə et Выбор цвета | Gizli mətn Sitat gətir Seçilmiş yazıları kiril əlifbasına çevir Вставка спойлера
Rəsimdə gördüyünüz kodu daxil edin: