BolgeXeber.Com » Bölgə » Hacıqabul məktəbliləri “Ölkəmizi tanıyaq” tur-aksiyası çərçivəsində yola düşdülər

Hacıqabul məktəbliləri “Ölkəmizi tanıyaq” tur-aksiyası çərçivəsində yola düşdülər

14-11-2018, 14:05

Oxunub: 5 557 Hacıqabul məktəbliləri “Ölkəmizi tanıyaq” tur-aksiyası çərçivəsində yola düşdülər

"Ölkəmizi tanıyaq" layihəsi çərçivəsində təşkil olunan maarifləndirici tur-aksiyanın Hacıqabul rayonundan olan iştirakçıları - rayonun ümumtəhsil məktəblərinin IX-XI sinif şagirdləri Qəbələ-Şəki-Zaqatala marşrutu üzrə yola çıxdılar

"Ölkəmizi tanıyaq" layihəsi çərçivəsində təşkil olunan maarifləndirici tur-aksiyanın Hacıqabul rayonundan olan iştirakçıları-rayonun ümumtəhsil məktəblərinin IX-XI sinif şagirdləri Qəbələ-Şəki-Zakatala marşrutu üzrə yola çıxdılar.
Yola salma mərasimində rayon icra hakimiyyəti, təhsil, mədəniyyət şöbəsinin məsul işçiləri, valideynlər iştirak etdilər.
Əvvəlcə tur-aksiya iştirakçıları Hacıqabul rayon Heydər Əliyev Mərkəzində toplandılar. Hacıqabul rayon İcra Hakimiyyətinin başçısı cənab Əhməd Muxtarov, Təhsil şöbəsinin müdiri Şükür Məmmədov çıxış etdilər. Sonra Ulu öndər Heydər Əliyevin abidəsi önünə gül dəstələri qoyaraq, xatirəsinə ehtiramlarını bildirdilər.
Dövlət başçısının təşəbbüsü ilə keçirilən maarifləndirici tur-aksiyanın iştirakçıları bu gün Qəbələ şəhərinə yola düşürlər. Dörd gün davam edəcək aksiya çərçivəsində şagirdlər Qəbələ-Şəki-Zakatalanın tarixi abidələri, görməli yerləri ilə yaxından tanış olacaqlar. Tur-aksiya məktəblilərin dünyagörüşünün formalaşmasında mühüm rol oynayacaq.
Mərasim başa çatdıqdan sonra Hacıqabullu məktəblilər avtobusla Qəbələyə yollandılar.
Aytən Zülfəliyeva,Hacıqabul rayon Heydər Əliyev Mərkəzinin direktoru
Bolgexeber.com

Çox Oxunanlar