BolgeXeber.Com » Sosial » Gələn il pensiya yaşı belə olacaq - CƏDVƏL

Gələn il pensiya yaşı belə olacaq - CƏDVƏL

12-12-2018, 13:23
Oxunub: 3 481 Gələn il pensiya yaşı belə olacaq - CƏDVƏLAzərbaycanda gələn il üçün kişilərin və qadınların pensiya yaşı daha 6 ay artacaq.

Bolgexeber.com-nun modern.az-a istinadən məlumatına görə, 1 iyul 2018 – 30 iyun 2019-cu il tarixində kişilərin pensiya yaşı 64, qadınların isə 61 olacaq.

1 iyul 2019 – 30 iyun 2020-ci il tarixində isə kişilərin pensiya yaşı 64 il 6 ay, qadınlarınkı isə 61 il 6 ay olacaq.

Qeyd edək ki, "Əmək pensiyaları haqqında” qanuna edilmiş sonuncu dəyişikliklərə görə, kişilərin və qadınların pensiya yaşı dəyişdirilib.

Belə ki, "Əmək pensiyaları haqqında” qanunun 4.1-ci maddəsində (Yaşa görə əmək pensiyası hüququ) göstərilib ki, 63 yaşına çatmış kişilərin və 60 yaşına çatmış qadınların fərdi hesabının sığorta hissəsində qeydə alınmış pensiya kapitalı əmək pensiyasının minimum məbləğindən az olmayan pensiya təminatına imkan verdikdə sığorta stajından asılı olmayaraq, bu pensiya təminatına imkan vermədikdə isə azı 25 il sığorta stajı olduqda yaşa görə əmək pensiyası hüququ var.

Kişilərin yaş həddi 2017-ci il iyulun 1-dən başlayaraq 2021-ci ilin iyulun 1-dək, qadınların yaş həddi 2017-ci ilin iyulun 1-dən başlayaraq 2027-ci ilin iyulun 1-dək hər il altı ay artırılaraq müəyyənləşdirilir.



Dövr Kişilər üzrə pensiya yaşı Qadınlar üzrə pensiya yaşı
1 iyul 2017 – 30 iyun 2018 63 il 6 ay 60 il 6 ay
1 iyul 2018 – 30 iyun 2019 64 il 61 il
1 iyul 2019 – 30 iyun 2020 64 il 6 ay 61 il 6 ay
1 iyul 2020 – 30 iyun 2021 65 il 62 il
1 iyul 2021 – 30 iyun 2022 65 il 62 il 6 ay
1 iyul 2022 – 30 iyun 2023 65 il 63 il
1 iyul 2023 – 30 iyun 2024 65 il 63 il 6 ay
1 iyul 2024 – 30 iyun 2025 65 il 64 il
1 iyul 2025 – 30 iyun 2026 65 il 64 il 6 ay
1 iyul 2026 və sonra 65 il 65 il