Azərbaycanda turizm şirkətləri kateqoriyalara bölünəcək
20-12-2018, 11:39
Oxunub: 3 986
Azərbaycanda turizm şirkətləri A, B, C və s. kateqoriyalara bölünəcək.
Bunu Trend-ə Dövlət Turizm Agentliyinin İctimaiyyətlə əlaqələr şöbəsinin rəhbəri Kənan Quluzadə deyib.
Şirkətlərin kateqoriyalaşdırılmasını vacib sayan K.Quluzadənin sözlərinə görə, kateqoriyalar şirkətlərin göstərdikləri xidmətlərin sayına, çeşidlərinə uyğun müəyyənləşdiriləcək: "Elə turizm şirkəti var ki, onun fəaliyyət növləri, işçilərinin sayı çoxdur. Onların əlavə olaraq, hotel, nəqliyyat, bələdçi xidmətləri göstərmək imkanları var. Hansı şirkətin xidmətlərinin sayı, çeşidləri genişdirsə, o, daha üstün kateqoriya əldə edəcək. Amma elə şirkət var ki, az sayda işçi ilə fəaliyyət göstərir, onların hotel və s. sahə üzrə xidmət göstərmək imkanları yoxdur. Buna baxmayaraq, imkanları məhdud olan şirkət də kateqoriya alacaq".
Kateqoriyalaşmanı həm şirkətlər, həm də turistlər üçün olduqca əhəmiyyətli sayan K.Quluzadə hesab edir ki, bu proses şirkətləri inkişafa stimullaşdıra, rəqabətin sağlam aparılmasına yardım edə bilər. Kateqoriyalaşdırma öz növbəsində turistlərin keyfiyyətli xidmət almasına kömək edər.
Şöbə rəhbəri qeyd edib ki, aldıqları kateqoriyadan asılı olmayaraq, bütün şirkətlərin Turizm Reyestrinə daxil edilməsi nəzərdə tutulur: "Reyestr hamı üçün açıq olacaq. Müştəri həmin reyestrə baxdıqda öz büdcəsinə uyğun gələn xidmətləri seçə və həmin xidmətləri göstərə bilən şirkətlərə sifarişlərini verə biləcək".
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 25-03-2024, 17:47 : Zamiq Hüseynov: “Kiminsə sözü məni narahat etmir”
Şou-Biznes / Xəbərlər