Rəcəb Tayyib Ərdoğan Suriya qüvvələrinin Menbiçə girməsini təkzib edib
28-12-2018, 16:25
Oxunub: 2 403
“Ortada hələ ki ciddi bir fəaliyyət yoxdur”.
“Report” “Hürriyet”ə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında deyib.
Bəşşar Əsədə məxsus silahlıların Suriyanın Menbiç bölgəsinə girməsi ilə bağlı sualı cavablandıran dövlət başçısı bildirib ki, bölgədə ciddi dəyişiklik yoxdur: “Suriya rejiminin Menbiçlə bağlı psoxoloji hazırlıq gördüyünü bilirik. Orada bayraq qaldırmaq istədikləri də məlumdur. Ancaq indi orada ciddi bir iş yoxdur. Bir saat əvvəl dostlarla danışdım. Ciddi bir məsələdən söhbət gedə bilməz. Sabah bizim nümayəndə heyətimiz Moskvaya gedəcək. Xarici işlər, müdafiə və kəşfiyyat üzrə nazirlərimizdən ibarət bir heyət Rusiyaya səfər edəcək. Orada bu məsələlər ətraflı müzakirə olunacaq. Bundan sonra mənim Rusiya Prezidenti Vladimir Putinlə həm telefon danışığım, həm də ya Soçi ya da Moskvaya səfərim ola bilər. Bunları çox ciddi şəkildə müzakirə etməyimiz lazımdır. Məsələ təkcə Menbiç də deyil, oradakı terror qruplaşmalarını zərərsizləşdirmək istiqamətində fəaliyyət göstərməyimizdədir. Hazırlığımızı görmüşük. Silahlı Qüvvələrimiz fəaliyyətlərini davam etdirir”.
R.T.Ərdoğanın sözlərinə görə, əsas hədəfləri terrorçu PKK/YPG-PYD qruplaşmasına lazımı dərsi verməkdir: “Bu məsələdə niyyətimiz qətidir. Suriyanın bölünməsinə qarşıyıq. Hədəfimiz oradakı terror qruplaşmalarının bölgədən çıxmasıdır. Qruplaşmalar çıxarsa, bizim orada görə biləcəyimiz bir iş yoxdur”.
Qeyd edək ki, bu gün Bəşşar Əsədə bağlı Suriya ordusu Menbiçə daxil olduğuna dair xəbər yayılmışdı.
Terrorçu PKK/YPG-PYD qruplaşması Suriyanın Menbiç bölgəsindən çıxacağını, həmin ərazini Bəşşar Əsəd rejiminin nəzarətinə verəcəyi barədə açıqlama yaymışdı: “Suriya hökumətini (Bəşşar əsəd rejimini nəzərdə tutur - red.) çıxdığımız bölgələri, özəlliklə Menbiçi Türkiyənin hücumlarından qorumaq üçün bu əraziyə dəvət edirik”.
Xatırladaq ki, Rusiyanın Xarici İşlər Nazirliyinin sözçüsü Mariya Zaxarova oxşar bəyanatla çıxış etmişdi.
Bundan başqa Türkiyə Prezidenti Rəcəb Tayyib Ərdoğan ABŞ-dan terrorçu qruplaşmanın Münbiçdən çıxmasını tələb etmiş, əks halda oranı terrorçulardan təmizləyəcəklərini bildirmişdi.
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 16-03-2024, 09:49 : Forum iştirakçılarının sayı rekord həddədir
Analitika / Xəbərlər
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 1-03-2024, 16:14 : Xərçəng xəstəsi olan Zeynəbin səhhəti pisləşdi
Şou-Biznes / Xəbərlər
- 1-03-2024, 16:44 : İcra başçısı Milli Məclisin deputatı ilə birlikdə Qaradağlı kənd tam orta məktəbində mövcud şəraitlə tanış olub
Bölgə / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 13-03-2024, 12:37 : Beynəlxalq hüququn normaları Azərbaycanın tərəfindədir
Analitika / Xəbərlər
- 1-03-2024, 19:46 : Qəzzada həlak olanların sayı açıqlandı
Dünya / Xəbərlər
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 5-03-2024, 14:57 : İcra başçısı Milli Məclisin deputatı ilə birlikdə şəhid anası Sitarə Əzizovanı 70 illik yubileyi münasibəti ilə ziyarət ediblər
Bölgə / Xəbərlər