BolgeXeber.Com » İdman » "Real Madrid" son 3 mövsümdə qazandığı futbol üzrə Çempionlar Liqası ilə vidalaşıb
"Real Madrid" son 3 mövsümdə qazandığı futbol üzrə Çempionlar Liqası ilə vidalaşıb
6-03-2019, 09:38
Oxunub: 3 336
İspaniyanın "Real Madrid" klubu ardıcıl 3 mövsüm qazandığı Çempionlar Liqasının baş mükafatı ilə vidalaşıb.
"Report"un məlumatına görə, "kral klubu"nu 1/8 final mərhələsində mübarizədən Hollandiya "Ayaks"ı kənarlaşdırıb. Amsterdam komandası ilk görüşdə öz meydanında 1:2 hesabı ilə uduzsa da, cavab qarşılaşmasında səfərdə böyük hesabla qalib gəlib - 4:1.
"Ayaks" artıq 7-ci dəqiqədə Hakim Ziyeşin qolu ilə hesabı açıb. Bundan 11 dəqiqə sonra David Neres fərqi artırıb. 62-ci dəqiqədə Duşan Tadiçin vurduğu 3-cü qol mübahisələrə səbəb olub. Bu, ötürmənin verildiyi vaxt topun yan xətti keçib-keçməməsi ilə bağlı olub. Nəticədə VAR sisteminə müraciət olunub. Epizoda müxtəlif rakurslardan 4 dəqiqəyədək baxıldıqdan sonra almaniyalı baş hakim Feliks Brıx mərkəzi göstərib.
70-ci dəqiqədə "Real Madrid"in futbolçusu Marko Asensio fərqi azaltsa da, "Ayaks" cəmi 2 dəqiqə sonra Lasse Şönenin qolu ilə yekun nəticəni müəyyənləşdirib. 90+3-cü dəqiqədə "kral klubu" daha bir zərbə alıb. Naço qırmızı vərəqə alaraq, komandasını azlıqda qoyub. Beləliklə, "Real Madrid" Çempionlar Liqası ilə ağır formada vidalaşıb.
1/4 finala daha bir vəsiqəyə isə İngiltərə "Tottenhem"i sahib çıxıb. Londonlular Almaniyanın "Borussiya" komandasını Dortmundda da yenməyi bacarıblar - 1:0. Yeganə qolu 49-cu dəqiqədə Harri Keyn vurub. İlk görüşdə "Tottenhem" 3:0 hesabı ilə qalib gəldiyi üçün adını növbəti mərhələyə yazdırıb.
Qeyd edək ki, 1/8 final mərhələsinin digər iki cavab oyunu bu gün keçiriləcək. PSJ Fransada İngiltərə “Mançester Yunayted”ini, “Portu” isə Portuqaliyada İtaliya “Roma”sını qəbul edəcək. 1/8 finala 12-13 martda keçiriləcək son 4 oyunla yekun vurulacaq.
Çempionlar Liqası
1/8 final mərhələsi, cavab oyunları
5 mart
24:00. "Real Madrid" (İspaniya) – "Ayaks" (Hollandiya) - 1:4
Qollar: Marko Asensio, 70 - Hakim Ziyeş, 7. David Neres, 18. Duşan Tadiç, 62. Lasse Şöne, 72
Qırmızı vərəqə: Naço, 90+3 ("Real Madrid")
Baş hakim: Feliks Brix (Almaniya)
Madrid. “Santyaqo Bernabeu” stadionu
İlk oyun – 2:1
24:00. “Borussiya” (Dortmund, Almaniya) – “Tottenhem” (İngiltərə) - 0:1
Qol: Harri Keyn, 49
Baş hakim: Danni Makkeli (Hollandiya)
Dortmund. “Siqnal İduna Park” stadionu
İlk oyun – 0:3
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 25-03-2024, 17:47 : Zamiq Hüseynov: “Kiminsə sözü məni narahat etmir”
Şou-Biznes / Xəbərlər