BolgeXeber.Com » Dünya » Sudan ordusu prezidenti devirdi

Sudan ordusu prezidenti devirdi

11-04-2019, 12:10

Oxunub: 3 701

Hərbi çevriliş nəticəsində Sudan Prezidenti Ömər əl-Bəşir hakimiyyətdən devrilib.

Qaynarinfo xəbər verir ki, məlumatı "Al-Arabiya” televiziyası yayıb.

Ömər əl-Bəşir ev dustaqlığında saxlanılır, onun mühafizəçisi həbs olunub.

"Al-Hadath” telekanalının məlumatına görə, minlərlə insan küçələrə çıxaraq, Ömər əl-Bəşir rejiminin sona çatmasını bayram edir.

***10.05

Sudan Prezidenti Bəşir əl-Ömərin ətrafında olan indiki və keçmiş yüksək vəzifəli şəxslər həbs ediliblər.

Bu məlumatı "al-Hadath” telekanalı yayıb.

Bildirilib ki, həbs edilənlər arasında Prezident Qvardiyasının rəhbəri, keçmiş müdafiə naziri Əbdül Rahim Məhəmməd Hüseyn, hakim Milli Konqres Partiyasının sədri Əhməd Harun, keçmiş vitse-prezident Əli Osman Taha da var. Taha etiraz aksiyası iştirakçılarına qarşı "kölgə tabor”undan istifadə edəcəyini bildirmişdi.

Ölkə paytaxtı Xartumun küçələrinə minlərlə insan çıxıb. Aprelin 6-dan başlayan tətil davam edir.

Məlumata görə, Xartumda beynəlxalq hava limanı bağlanıb.

***09.46

Sudan ordusu hərbi çevriliş edib.

Hərbçilər dövlət televiziyasının binasını mühasirəyə alıb. Onlar prezident Ömər Əl Bəşirin vəzifədən uzaqlaşdırıldığını və hökumətin buraxıldığını elan edib. Prezident iqamətgahı ordu tərəfindən mühasirəyə alınıb.

Qeyd edək ki, Sudanda ötən ilin sonlarından 26 ildir ölkəyə rəhbərlik edən Ömər Əl Bəşirin istefasını tələb edən kütlə etiraz aksiyası keçirir.

Çox Oxunanlar