BolgeXeber.Com » Ölkə » Baxça müdirəsi deputat və icra başçısı, müavin tərəfindən müdafiə edilir? - MASALLIDA

Baxça müdirəsi deputat və icra başçısı, müavin tərəfindən müdafiə edilir? - MASALLIDA

9-05-2019, 14:11
Oxunub: 5 055 Baxça müdirəsi deputat və icra başçısı, müavin tərəfindən müdafiə edilir? - MASALLIDAMasaallı rayon “Viləş” uşaq bağçası ilə bağlı şikayətlər səngimək bilmir

Günü gündən artan narazılığa məhəl qoymayan aidiyyatı qurumlar nəyin baş verməsini gözlədikləri sakinləri narahatçılıq içində saxlamaqdadır

Şəfa Allahverdiyevanın idarəçiliyi əhali tərəfindən qəbul edilməməklə yanaşı himayədarlarının sayının da yüksək ranklı məmurlar olması verilən məlumatlarda yer almaqdadır. Beləki, Masallı rayon İcra hakimiyyətinin başçısı Rafil Hüseynov və Başçının müavini- Sosial-iqtisadi inkişafın təhlili və proqnozlaşdırılması şöbəsinin müdiri Nəsir Muxtarlının sərbəst şəkildə baxça rəhbərini müdafiə etməsi açıq aydın görünməkdədir. Dəfələrlə icra hakimiyyətinin müavinlərinə o cümlədən Nəsir Muxtarlıya zəng açaraq baş verənləri bildirsəkdə məsələyə müdaxilə etmək belə istəməyiblər. Valideynlərin verdiyi məlumatda hətta Şəfa Allahverdiyevanın Milli Məclisin deputatı Qənirə Paşayevanın adından istifadə etməsidə qeyd edilməkdədir. Ş.Allahverdiyeva onun arxasında Q.Paşayevanın durduğunu hətta icra hakimiyyətinin səlahiyyətlişəxsləri Şəfa xanıma heçnə edə bilməyəcəyini bildirdiyi deyilir. Bir özəl baxçada baş verən bu qədər olay olmasına baxmayaraq təhsili onun bu sahədə olmasına imkan vermədiyi halda hələdə vəzifəsində saxlanılmaqdadır. Apardığımız sorgğulardan isə Baxçanın məmur adına özəlləşdirildiyidə meydana çıxmışdır. Xanımın kimliyi ilə bağlı artıq araşdırmalar gedir. Yaxın günlərdə həmin xanımın dövlət quluğunda olduğu halda necə sahibkara çevrilməsindən bəhs edəcəyik. Hətta baxçada baş vermiş olayın polisdən gizlədildiyi redaksiyamıza verilən məlumatda yer almasına baxmayaraq Nəsir Muxtarlı bilərəkdən yalan ifadə verərək Şəfa Allahverdiyevanı məsuliyyətdən yayındırmağa çalıdı. Nəsir Muxtarlının himayəsində olduğu qeyd edilən Baxçada bir çox hadisələr baş verib. bu hadisələrdən biridə məhz öz qardaşı övladının baş nahiyəsindən ağır xəsarət alması ilə nəticələnib. Bu günə qədər baxça müdirəsinin müdafiəsinə qalxanların övladlarının başına gəlmədik hadisə qalmayıb. Sınıqçı həkim belə ön qapıdan deyil arxa qapıdan baxçaya giriş etməkdədirlər.



Bir millətin varlığı həm də o ölkədə yaşayan körpələrin yetişdirlib cəmiyyətə nümunəvi övlad kimi təqdimatından aslıdır. Sözsüz ki, bu işdə əsas lokomotiv rolunda uşaq bağçaları və məktəblərdir. Təsadüfi deyil ki, son bir neçə ildə ölkədə bu tip onlarla təhsil müəssisəsi ya tikilb, ya da əsaslı təmir edilərək azyaşlıların istifadəsinə verilib.

Dövlət müəssisələri ilə yanaşı ölkədə çoxlu sayda özəl təhsil müəssisələri və ya uşaq bağçaları da fəaliyyət göstərir. Lakin onların heç də hamısı tələblərə cavab vermir. Belə özəl müəsisələrdən biri də Masallı rayonunda yerləşən “Viləş” uşaq bağçasıdır. Redaksiyamıza məlumat verən mənbənin bildirdiyinə görə bu bağçada nağıl kimi maxinasiyalar baş verir. Belə ki, ölkə başçısının müvafiq Sərəncamı ilə minimum əmək haqqının məbləği 180 manat civarında müəyyən edilsə də, bağça müdirəsi Şəfa Allahverdiyeva çalışanlarına cəmi 120 manat aylıq əmək haqqı müəyyən edib. Əcəba sual oluna bilər ki, axı ölkədə əmək haqlarının ödənilməsi prosesi kartla həyata keçirilir, bəs necə 180 manat, 120 manatla əvəz edilir? Türklər demiş zurnanın zırt dediyi məqam da məhz burdadır. Mənbənin bildirdiynə görə xanım Allahverdiyeva işçilərinin əmək haqqı kartlarını onlardan alaraq seyifdə saxlayır. Əmək haqları karta köçürüldükdən sonra bağça müdirəsi vəsaiti şəxsən özü nəğdiləşdirir. 180 manat əmək haqqından qanunsuz olaraq 60 manat mənimsəyir. Yerdə qalan 120 manatı isə işçilərə verir. Sözsüz ki, işdən çıxmaq qorxusu müdirəyə etiraz etməyə imkan vermir. Etiraz edənləri arxasında duran xanım millət vəkillərindən biri ilə hədələyən bağça müdirəsi kimsənin ona məhz həmin millət vəkilinin sayəsində heç nə edə bilməyəcəyini söyləyir. Xatırladaq ki, həmin xanım millət vəkilinin adı redaksiyaya məlumdur. Lakin hələ ki, araşdırmamız davam etdiyi üçün adın çəkilməsni bu dəfə lazım bilmədik. Əgər hörmətli Şəfa Allahverdiyeva məlumatda qeyd edilənlərin həqiqətə uyğun olmadığını iddia edərsə, o zaman əmək haqqı kartının məxsus olduğu bankın bankomtlarındakı kameralara nəzər yetirmək kifayətdir. Və əminik ki, baxış zamanı bir nəfər müəllimənin görüntüsünə rast gəlinməyəcək. Çünki Şəfa Allahverdiyeva sadəcə buna imkan vermir. Məsələ bununla da bitmir. Şəfa Allahverdiyeva işçilərlə əmək müqaviləsi bağlamaqda da maraqlı deyil. Əslində bu hal sosial və vergi ödəmələrindən yayınmaq məqsədi daşyır və cinayət tərkibli hərəkətdir. Məhz bu günün dolanışığını düşünən tərbiyəçini və texniki işçini müqaviləsiz işlətmək isə yalnız müdirənin işinə yarayır. Mənbənin bildirdiyinə görə kifayət qədər qanunları pozmaqda maraqlı olan bu xanımın rəhbərlik etdiyi uşaq bağçası Yasamal rayon İcra Hakmiyyətinin başçısı Əziz Əzizovun və Masallı rayon İcra Hakmiyyətinin başçısı Rafil Hüseynovun şəxsi mülkiyyətinə daxildr. Lakin hər iki icra başçı o qədər də sadəlövh deyillər ki, öz adlarına hər hansı obyekt rəsmiləşdirsinlər. Bağçanın rəsmi sahibi dövlət qulluqçusu olan başqa bir şəxsdir. Hə, sual oluna bilər ki, dövlət qulluqçusu necə bizneslə məşğul ola bilir? Artıq onun da cavabı bu sahəyə cavabdeh olan dövlət qurumlarındadır. Çünki Şəfa Allahverdiyevaya hər hansı bir problemlə bağlı sual verəndə adını hələ ki, çəkmək istəmədiyimiz xanım millət vəkilinin və Heydər Əliyev fondunun adını çəkir. Xanım direktorun ən çox işlətdyi cümlə isə budur:”“Viləş” uşaq bağçası Heydər Əliyev fondunun təşəbbüsü ilə fəaliyyət göstərir.”

Tutaq ki, Şəfa Allahverdiyeva doğru deyir, bağça fondun təşəbbüsü ilə fəaliyyət göstərir. Bəs elə isə nədən rekllamınızda əks olunanlar reallıqda yoxdur. Deməli hərəkətinizlə Heydər Əliyev fondunun rəhbərliyini də aldadırsınız. O cümlədən əməllərinizlə azyaşlıların valideyinlərini ölkənin I vitse-prezidentindən narazı salırsınız. Məsələn “Viləş” uşaq bağçasının reklam fotolarında azyaşlılara ingilis və rus dillərinin tədris edildiyi göstərilir. Əslində isə bu müəssisədə ingilis dili müəllimi yoxdur. Rus dili müəlliməsi adı ilə işə qəbul edilən xanımın isə ümumiyyətlə diplomu yoxdur. Hələ biz Şəfa xanımın özünün orta ixtisas təhsilli musiqi müəlliməsi olduğunu demirik. Yəni direktor özü kollec təhsillidir. Başqa bir reklamda isə uşaqların gündə beş dəfə qidalandığı əks olunur. Mənbənin bildirdiyinə görə uşaqlara gün ərzində cəmi üç dəfə ortabab yemək verilir. Və onu da qeyd edək ki, menyuda heç də reklam fotolarında göstərildiyi kimi təzə meyvə -tərəvəzlər və digər çeşidli xörəklər yoxdur. Bu tip yemək masası sadəcə şəkil çəkdirilən zaman hazırlanıb. Şəkilçəkmə prosesi başa çatdıqdan sonra isə azyaşlılar masadan qaldırılıb, masadakılar isə direktorun otağına daşınıb. Yuxarıda qeyd edilən nağıl kimi maxinasiyalardan biri də məhz budur. Məlumatı verən mənbə əlavə olaraq onu da qeyd etdi ki, uşaq bağçası Viləş çayının sahilində yerləşdiyi üçün həmin ərazidə kifayət qədər zəhərli ilanlarda məskən salıb. Müəllimə və texniki işçilərin gündəlik funksiyalarından biri də azyaşlıların oynadığı ərazilərdə ilanları öldürməkdir. Gününün təxminən yarısını bu bağçada keçirməli olan körpələrin günorta yatızdırılma metodları da olduqca diqqətçəkicidir. Uşaqlar nağl dinləyərək yox, məhz işgəncə görərək yatızdırlır.

P.S. Baxçada uşağın başının yarılması və beş tikiş qoyulması polisdən necə gizlədilməsi ilə bağlı o cümlədən azyaşlı uşaqlara qarşı göstərilən şiddət əsasında azyaşlının qolunun çıxması quruma sınıqçının arxa qapıdan gətirilməsi və bu kimi məlumatlarla növbəti yazımızda tanış ola biləcəksiniz.
Mövzuya qayıdacağıq.
Redaksiya yazıda adı çəiklən qurum və şəxslərində mövqelərini dərc etməyə hazırdır.
BakuNews.az