"Ən Böyük Nailiyyətimiz Əbədi müstəqilliyimizdir" adlı tədbir keçirilib
24-05-2019, 17:46
Oxunub: 3 559
Bərdə Regional Mədəniyyət İdarəsinin tabeliyində olan Tərtər rayon Heydər Əliyev Mərkəzində 28 May Respublika Günü ilə əlaqədar " Ən Böyük Nailiyyətimiz Əbədi müstəqilliyimizdir" adlı tədbir keçirilib.
Tədbiri giriş sözü ilə mərkəzin direktoru Səlimə Yusibova açaraq Şərqdə ilk demokratik, dünyəvi dövlət kimi 1918-ci ildə Azərbaycan Xalq Cümhuriyyətinin yaranmasının tarixi və siyasi aspektlərindən söz açıb. O, vurğulayıb ki, Azərbaycanın milli dövlətçilik ənənələrinin əsasını qoyan Cümhuriyyət xalqımızın çoxəsrlik sosial-iqtisadi, ictimai-siyasi və mədəni inkişafının, milli oyanış və dirçəliş proseslərinin məntiqi nəticəsi kimi meydana çıxmışdır.
Çıxışlarda qeyd olunub ki, keçmiş sovet imperiyasının hərbi təcavüzü nəticəsində itirdiyimiz müstəqilliyimiz ötən əsrin 90-cı illərinin əvvəllərində yenidən bərpa edildi və xalqımızın dahi oğlu, ulu öndər Heydər Əliyevin uzaqgörən daxili və xarici siyasəti nəticəsində Azərbaycan qısa müddətdə iqtisadi yüksəliş dövrünə qədəm qoydu. Məhz dahi rəhbər Heydər Əliyevin gərgin fəaliyyəti sayəsində biz bu gün 28 May – Respublika gününü milli bayram kimi qeyd edə bilirik. Ümummilli liderimizin həyata keçirdiyi uğurlu dövlət quruculuğu siyasəti hazırda Prezident İlham Əliyev tərəfindən əzmlə davam etdirilir. Gənclərin ölkənin bütün ictimai-siyasi, mədəni, iqtisadi və digər sahələrində sərbəst fəaliyyəti, qanunvericilik və idarəetmə orqanlarında yaxından iştirakı dövlət başçısının uğurlu gənclər siyasətinin parlaq sübutudur.
Sonda məktəblilər tərəfindən Xalq Cümhuriyyətini tərənnüm edən şeirlər səsləndirilib.
Bolgexeber.com
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 16-03-2024, 09:49 : Forum iştirakçılarının sayı rekord həddədir
Analitika / Xəbərlər
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 1-03-2024, 16:14 : Xərçəng xəstəsi olan Zeynəbin səhhəti pisləşdi
Şou-Biznes / Xəbərlər
- 1-03-2024, 16:44 : İcra başçısı Milli Məclisin deputatı ilə birlikdə Qaradağlı kənd tam orta məktəbində mövcud şəraitlə tanış olub
Bölgə / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 13-03-2024, 12:37 : Beynəlxalq hüququn normaları Azərbaycanın tərəfindədir
Analitika / Xəbərlər
- 1-03-2024, 19:46 : Qəzzada həlak olanların sayı açıqlandı
Dünya / Xəbərlər
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 5-03-2024, 14:57 : İcra başçısı Milli Məclisin deputatı ilə birlikdə şəhid anası Sitarə Əzizovanı 70 illik yubileyi münasibəti ilə ziyarət ediblər
Bölgə / Xəbərlər