BolgeXeber.Com » Xəbərlər » Bakıdakı məşhur restorana ittiham: Menyuda aşağı qiymət yazırlar, hesab gələndə isə...
Bakıdakı məşhur restorana ittiham: Menyuda aşağı qiymət yazırlar, hesab gələndə isə...
6-09-2019, 14:57
Oxunub: 2 813
"Xalçalı restoran&lounge" restoranının müştəriləri aldatdığına dair iddialar yayılıb.
Oxu.Az xəbər verir ki, sosial şəbəkə istifadəçilərindən biri restoranın müştərilərə daha aşağı qiymətlər yazılmış menyu təqdim etdiyini, lakin hesabda başqa qiymətlər yazdığını bildirib:
"Dostumla menyuda qeyd edilən hərəsi ayrı-ayrılıqda beş manat olan çay və mürəbbə sifariş verdik. Ofisianta menyudakı qiyməti nəzərə alaraq, çay və mürəbbə sifariş versək də, sonda hesab beş manat artıq gəldi.
Hesabın niyə 15 manat gəldiyini soruşanda isə ofisiant çayın 10 manat olduğunu söylədi. Narazılığımı bildirirək, çayın 10 manat olduğu halda niyə menyuda beş manat yazıldığını soruşdum. Bizə verilən menyunun köhnə olduğu deyildi.
Ofisiantın gözünün qarşısında menyuya baxıb sifariş etdiyim halda menyunun köhnə və çayın 10 manat olduğunu niyə demirlər? Bu, düzgün restoran sistemi deyil".
Məsələni aydınlaşdırmaq üçün "Xalçalı restoran&lounge"la əlaqə saxladıq.
Özünü administrator kimi təqdim edən Teymur adlı şəxs Oxu.Az-a açıqlamasında qiymətlərin artırıldığını təsdiqlədi:
"Müəyyən şeylərdə dəyişikliklər etmişik. Müştəri bir çay sifariş verib saatlarla oturur. Bu da bizə sərf eləmir. Ona görə də qiymətlərdə artımlar var.
Öncədən müştərilərə də qiymətlərin qalxması ilə bağlı məlumat verilib. Hətta daimi gələn müştərilərə də izah eləmişik ki, qiymətlər niyə qaldırılıb. Kimin narazı olub-olmamasının bizə aidiyyəti yoxdur".
Menyunun köhnə olması məsələsinə gəldikdə, administrator deyib ki, artıq onlar da yenilənib.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 25-03-2024, 17:47 : Zamiq Hüseynov: “Kiminsə sözü məni narahat etmir”
Şou-Biznes / Xəbərlər