BolgeXeber.Com » Siyasət » "Prezidentin çıxışı gələcək inkişaf hədəflərimizi göstərdi" -Ramin Əhmədov

"Prezidentin çıxışı gələcək inkişaf hədəflərimizi göstərdi" -Ramin Əhmədov

17-10-2019, 20:43

Oxunub: 5 691 "Prezidentin çıxışı gələcək inkişaf hədəflərimizi göstərdi" -Ramin Əhmədov

“Prezident İlham Əliyevin keçirdiyi son iqtisadi müşavirədə söylədiyi nitq Azərbaycanın sürətli inkişafı, qarşıdakı perspektivlər və gələcək hədəflər barədə aydın təsəvvürlər yaratdı. Dövlət başçısı olduqca əhatəli çıxış etdi. Həmin çxışda iki paralel xətt diqqətimi çəkdi. Bir xətdə vətəndaşların sosial rifah halının daha da yaxşılaşdırılması istiqamətində həyata keçirilən siyasətin davamlı olacağı xüsusunda cəmiyyətə ünvanlanmış konkret mesajlar, digərində isə məmur korpusu üçün effektivliyi artırmaq zərurətinə dair çağırış görünürdü”.

Missiya.Az xəbər verir ki, bu sözləri Yeni Azərbaycan Partiyasının Nizami rayon Təşkilatının sədr müavini Ramin Əhmədov prezident İlham Əliyevin oktyabrın 16-da keçirdiyi iqtisadi müşavirədəki çıxışı barədə fikirlərini açıqlayarkən deyib.

YAP rəsmisi prezidentin saxtakarlığı, qara mühasibatlığı, dövlət layihələrində maliyyə xərclərinin süni şəkildə şişirdilməsini, mediada məmurların savaşını, rüşvətxorluq və korrupsiya meyillərini sərt şəkildə tənqid etməsinə diqqət yönəldərək, dövlət başçısının bu tip neqativ hallara qarşı həmişə öz qəti mövqeyini ortaya qoyduğunu vurğulayıb: “Biz ötən illərdə dövlət başçısının xəbərdarlıqlarına və bu xəbərdarlıqlardan nəticə çıxarmayan səlahiyyət sahiblərinə qarşı görülən tədbirlərə dəfələrlə şahidlik etmişik. Cənab Prezident bu dəfə də nöqsanlara, inkişafa əngəl yaradan amillərə açıq işarələr edərək, öz işindən daha çox arzulanmaz istiqamətlərə meyillənən səlahiyyət sahiblərinə xəbərdarlıq etdi. Dövlət başçısı bununla bir daha nümayiş etdirdi ki, o, korrupsiya və rüşvətxorluq, vəzifə səlahiyyətlərindən sui-istifadə, şəxsi maraqlara xidmət etmək və sairə kimi neqativ hallara qarşı mübarizədə prinsipial və qətiyyətlidir. Cənab Prezident nə istəyir? Bunu hamımız bilirik: Məmurlar öz işi ilə məşqul olmalı, əhalinin rifahı üçün çalışmalı, vətəndaşları incitməməli, atdıqları hər bir addımı dövlət siyasətinin tələblərinə uyğunlaşdırmalıdırlar. Bu həm də arxasında Azərbaycanı daha qüdrətli dövlətə çevirmək və xalqa daha təminatlı yaşayış imkanları yaratmaq kimi hədəflər dayanmış tələbdir”.

Ramin Əhmədov ölkə başçısının nitqində gənc, peşəkar kadrların dövlət idarəçiliyində işə cəlb olunması barədə səsləndirdiyi fikirlərə də toxunub. YAP rəsmisi bildirib ki, müasir çağırışlar gənc kadrlara ehtiyacı artırır və ölkə başçısının bu məsələni xüsusilə qabartması təsadüfi deyil: “Azərbaycanda aparılan kompleks struktur və kadr islahatları gənclərin önünü açır. Prezidentin başlatdığı kadr islahatlarının təməlində müasir dünyagörüşlü, bilikli, peşəkar kadrların dövlət idarəçiliyinə cəlb edilməsi dayanır. Ölkə başçısının da dediyi kimi, XXI əsrdə yaşayırıq, köhnə təfəkkürlə, köhnə biliklərlə gələcəyə doğru addımlamaq mümkün deyil. Prezident hazırda vəzifədə olan, idarəçiliyə cəlb olunan gənc kadrların da işinin öhtəsindən məhsuliyyətlə gəldiyini qeyd etdi. Bu, gənclər siyasətinin, savadlı gənclərin önə çəkilməsi praktikasının yaxşı nəticələr verdiyin göstəricisidir. Ölkə başçısının baş nazir Əli Əsədova gənc kadrların işə cəlb edilməsi ilə bağlı tapşırıq verməsi isə bu sahədə yeni mərhələnin başlandığına işarədir”.

R.Əhmədov dövlət başçısının çıxışındakı iqtisadi göstəricilərə dair məqamlardan da danşıb: “Cənab Prezident iqtisadiyyatımızda müsbət irəliləyişlərin olduğunu qeyd etdi. Vergi, sosial müdafiə, gömrük və kənd təsərrüfatı sahəsində aparılan islahatların uğurla davam etdiyi, müsbət rəqəmlərin əldə olunduğu diqqətə çatdırıldı. Müxlətlif dövlət strukturlarında aparılan kadr dəyişikliklərinin müsbət irəliləyişlərə zəmin yaratdığı bəyan olundu. Ölkə başçısı səsləndirdiyi rəqəmlərlə keçmiş və indiki reallıqlar arasında müqayisə apardı və islahatların effektivliyini ictimaiyyətin diqqətinə çatdırdı. Məlum oldu ki, hazırda daha qənaətçil dövlət büdcəsi ilə böyük uğurlar əldə olunur. Deməli, yürüdülən siyasət öz bəhrəsini verir, islahatların səmərlilik göstəricisi durmadan artır. Artım isə bütün hallarda vətəndaşların sosial rifah halında özünü göstərəcək. İnkişaf varsa, iqtisadi göstəricilərimiz yüksəlirsə və bütün bu irəliləyişilərin arxasında, sosial siyasəti ilə dünyaya səs salmış İlham Əliyevin iradəsi dayanırsa, deməli, bundan ancaq vətəndaşlarımız qazanacaq”.

Çox Oxunanlar