Oqtay Gülalıyevin müalicə xərcini kim çəkir?
5-11-2019, 15:41
Oxunub: 2 318
Oqtay Gülalıyevin əməliyyatı “Baku City Hospital”da həyata keçirildiyi üçün əməliyyat xərcini özümüz çəkmişik
Ancaq Respublika Neyrocərrahiyyə Xəstəxanasına gətiriləndən sonra bütün xərclər dövlət tərəfindən qarşılanır.
Bu sözləri Axar.az-a bir neçə gün öncə yolu keçərkən avtomobil vurması səbəbindən ağır yaralanan və əməliyyat olunan hüquq müdafiəçisi Oqtay Gülalıyevin həyat yoldaşı Firuzə Gülalıyeva bildirib.
Hüquq müdafiəçisinin hazırki durumundan danışan F.Gülalıyeva bildirib ki, həkimlər onun yaxşılaşması üçün əllərindən gələni edirlər:
“Oqtay Gülalıyevin vəziyyəti kritik-ağır olaraq qalır. Həkimlər əllərindən gələni edirlər. Ciddi nəzarət altındadır hazırda.
Bütün müalicə xərcləri xəstəxana tərəfindən həyata keçirilir. Əməliyyat, bilirsiniz ki, “Baku City Hospital”da oldu və ora da özəl klinika olduğu üçün xərcini özümüz çəkmişik. Ancaq Respublika Neyrocərrahiyyə Xəstəxanasına gətiriləndən sonra xərclər dövlət tərəfindən qarşılanır. Hələ bizə bircə dərman da aldırmayıblar. Ehtiyac olsa, təbii ki, özümüz də alacağıq. Ancaq hazırda bizə nə isə almağa imkan vermirlər. Bildiriblər ki, nə lazımdırsa, özümüz edəcəyik”.
F.Gülalıyeva bildirib ki, hüquq müdafiəçisinin özünə gəlməsi üçün zamana ehtiyac var:
“Həkimlərin sözlərinə görə, ən aşağısı 20-21 gündən sonra komadan ayıla bilər. Həkimlər deyir ki, xəstəni çox gecikdiriblər. Ümidlə gözləyirik, inşallah, tezliklə komadan ayılar”.
Xatırladaq ki, oktyabrın 29-u axşam saatlarında hüquq müdafiəçisi Oqtay Gülalıyevi piyada keçidindən yolu keçərkən avtomobil vurub. Gülalıyev əvvəlcə 1 saylı Təcili Tibbi Yardım Mərkəzinə yerləşdirilsə də, sonradan özəl klinikaya aparılıb.
Onun müalicəsinə dəstəklə bağlı sosial şəbəkələrdə çağırışlar edilib, hətta azərbaycanlı milyarder Mübariz Mənsimov da ona edilən müraciətlərdən yazıb.
Bu müraciətlərin O.Gülalıyevin ailəsinə aidiyyəti yoxdur.
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 16-03-2024, 09:49 : Forum iştirakçılarının sayı rekord həddədir
Analitika / Xəbərlər
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 1-03-2024, 16:14 : Xərçəng xəstəsi olan Zeynəbin səhhəti pisləşdi
Şou-Biznes / Xəbərlər
- 1-03-2024, 16:44 : İcra başçısı Milli Məclisin deputatı ilə birlikdə Qaradağlı kənd tam orta məktəbində mövcud şəraitlə tanış olub
Bölgə / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 13-03-2024, 12:37 : Beynəlxalq hüququn normaları Azərbaycanın tərəfindədir
Analitika / Xəbərlər
- 1-03-2024, 19:46 : Qəzzada həlak olanların sayı açıqlandı
Dünya / Xəbərlər
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 5-03-2024, 14:57 : İcra başçısı Milli Məclisin deputatı ilə birlikdə şəhid anası Sitarə Əzizovanı 70 illik yubileyi münasibəti ilə ziyarət ediblər
Bölgə / Xəbərlər