BolgeXeber.Com » Fotoqalereya » Rövnəq Abdullayevin məzəli karikaturası yayıldı-FOTO

Rövnəq Abdullayevin məzəli karikaturası yayıldı-FOTO

4-09-2013, 12:05
Oxunub: 6 394 Azərbaycan Dövlət Neft Şirkətinin (ARDNŞ) prezidenti Rövnəq Abdullayevin karikaturası yayılıb

Qaynar.info-nun verdiyi xəbərə görə, 20 gündən artıqdır Xəzərdəki “Bulla-dəniz” yatağında davam edən yanğını söndürə bilməyən ARDNŞ tanınmış karikaturaçı Gündüz Ağayevin hədəfinə tuş gəlib.

Karikaturanın mövzusu belədir: BP-nin timsalında əcnəbi mütəxəssis ARDNŞ-ə yanğını söndürməyi təklif edir. Rövnəq Abdullayev isə yardımdan imtina edir: "No, No! Bura Odlar Yurdudur"

G.Ağayevin mövzu ilə bağlı Facebook-da paylaşılan karikaturasını təqdi edirik:

Qeyd edək ki, avqustun 17-də "Bulla-Dəniz" yatağındakı 90 saylı quyuda qazma işləri zamanı qəza baş verib. Yataqda baş vermiş qəza zamanı quyunun ağzı atqıya qarşı avadanlıqlarla bağlandığı üçün oradan çıxan alov ətrafa yayılaraq 350 metr radiusda yüksək temperatur sahəsi yaradıb. Bu isə quyuya yaxınlaşmağı mümkünsüz edib.

Rövnəq Abdullayevin sözlərinə görə, ARDNŞ daha əvvəl quyunu ortadan qaldırmaqla orada yanğını söndürə bilərdi: “Ancaq bizim başlıca məqsədimiz quyunun xilas edilməsi və gələcək istismarıdır. Bu, çox dərin quyudur. Bu quyuya olduqca böyük xərc və zəhmət qoyulub”.