Fəzail Ağamlı: “Xarici investor görsə ki, onun pozulmuş hüquqları məhkəmədə qorunacaq...”

“Bir sıra hallarda məhkəmələrin qəbul etdiyi qərarların nəticələri sədrin iradəsindən keçir”.

Deputat Fəzail Ağamalı bu fikirləri Milli Məclisdəki müzakirələr zamanı söylədi. O qeyd etdi ki, təqdim edilmiş qanun layihələri təkmilləşdirilməlidir. F.Ağamalı məhkəmə-hüquq islahatlarının aparılması barədə Prezident fərmanını yüksək qiymətləndirdi. Qeyd etdi ki, ölkəyə investisiyaların qoyulması birbaşa məhkəmə-hüquq sistemindəki durumdan asılıdır: “Xarici investor görsə ki, onun pozulmuş hüquqları məhkəmədə qorunacaq, o, heç nədən çəkinmədən ölkəmizə investisiya qoyacaq”. Deputat əlavə etdi ki, gənc, sağlam hüquqşünasların məhkəmə sisteminə cəlb edilməsi olduqca vacibdir.