“Wikipedia” Türkiyədə yenidən fəaliyyətə başlaya bilər
Qaynarinfo Türkiyə mətbuatına istinadən xəbər verir ki, bununla bağlı ölkənin Konstitusiya Məhkəməsi qərar qəbul edib. “Wikipedia”nın bağlanmasının demokratik cəmiyyət prinsiplərinə zidd olduğu və fəaliyyətinə blok qoyulması üçün əsaslı hüquq pozuntusu olmadığı bildirilib. Qərar Ankara 1-ci sülh cəza məhkəməsinə də göndərilib və müvafiq texnologiya, informasiya qurumlarına çatdırıldıqdan sonra onlayn ensiklopediyanın açılacağı gözlənilir.
Qeyd edək ki, Türkiyə hakimiyyəti 2017-ci ildə “Wikipedia”ya blok qoymuşdu. Buna səbəb isə ensiklopediyada Rəcəb Tayyib Ərdoğanla bağlı məqaləyə düzəliş edilməsi olmuşdu.