Xərçənglə bağlı DƏHŞƏTLİ RƏQƏMLƏR - Ötən il...
5-02-2019, 18:08
Oxunub: 2 598
Xərçəng dünyada tezliyinə görə ölüm hallarının ikinci səbəbidir
Ötən il onkoloji xəstəliklərdən 9,6 milyon adam dünyasını dəyişib. Bütün ölüm hallarının dörddəbir hissəsindən bir qədər azı siqaretçəkmə ilə bağlıdır.
XəzərXəbər xəbər verir ki, Dünya Səhiyyə Təşkilatının (DST) Dünya Xərçəng əleyhinə Mübarizə Günü ərəfəsində açıqladığı onkoloji xəstəliklərdə keyitməyə dair yenilənmiş tövsiyələrində belə deyilir.
Piylənmə, azhərəkətli həyat tərzi, spirtli içkilər və rasionda meyvə-tərəvəz çatışmazlığı aparıcı risk faktorlarındandır. Gəlir səviyyəsi aşağı və orta olan ölkələrdə bütün onkoloji xəstəliklərin dörddəbir hissəsi infeksiya – hepatit və insan papilloması virusu ilə bağlıdır. Ağciyər xərçəngi dünyada yayılmasına görə birinci yerdədir, sonra döş vəzi, bağırsaq, prostat vəzi, dəri və mədə xərçəngləri gəlir. Onkoloji xəstəliklər hər il iqtisadiyyata 1,16 trilyon dollar ziyan vurur.
DST-dən bildiriblər ki, sağlam həyat tərzi xərçəng xəstəliklərinin təqribən yarısının qarşısını ala bilər. Bunun üçün siqaret çəkməmək, düzgün qidalanmaq, kanserogen infeksiyalara qarşı peyvəndlər etmək lazımdır. Məlumdur ki, onkoloji xəstəliklər erkən mərhələdə üzə çıxarılanda, onları müalicə etmək mümkündür. Buna görə də profilaktiki müayinəyə dair tövsiyələrə ciddi əməl edilməlidir.
Xərçəngə tutulma hallarının 55 faizi ağrı ilə müşayiət olunur. Xəstəliyin gec mərhələlərində ağrı xəstələrin 66 faizində müşahidə edilir. DST xərçəng xəstələrinin əzablarını necə yüngülləşdirmək və onların həyat keyfiyyətini necə yaxşılaşdırmaq barədə özünün yenilənmiş tövsiyələrində keyitmə preparatlarının, o cümlədən narkotik, qeyri-narkotik və yardımçı preparatların üçpilləli sxemini rəhbər tutmağı təklif edir. Ekspertlər müalicənin səmərəliliyini artırmaq üçün preparatları pasiyentin tələbi ilə deyil, müntəzəm qəbul etməyi, dozaları fərdi təyin etməyi məsləhət görürlər. Yardımçı preparatlar siyahısına stereoidlər, antidepressantlar və qıcolma əleyhinə vasitələr daxildir.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər