Ukrayna Rusiya nazirini endirmək üçün havaya iki qırıcı qaldırıb
11-05-2014, 09:40
Oxunub: 3 678
“Əvvəlcə icazə vermədilər, sonra bildirdilər ki, uça bilərik"
Ukraynanın Hərbi Hava Qüvvələri Rusiyanın mədəniyyət naziri Vladimir Medinskinin də yer aldığı nümayəndə heyətinin uçduğu təyyarəni məcburi endirmək üçün havaya iki MiQ-29 təyyarəsi qaldırıb.
Virtualaz.org saytı xəbər verir ki, bu barədə RİA Novosti agentliyinə nümayəndə heyətindəki mənbə bildirib. Medinskinin daxil olduğu nümayəndə heyəti Moldovanın separatçı Dnestryanı bölgəsindən qayıdırmış.
Bundan əvvəl Medinski bildirib ki, Ukrayna tərəfi onların təyyarəsinə ölkənin hava məkanından istifadəyə icazə verməyib və nəticədə təyyarə Kişnyova geri qayıdıb. Ukrayna tərəfi təyyarəni ölkə ərazisində məcburi endirməklə hədələyib. Nümayəndə heyətinin tərkibinə Dövlət Dumasının deputatları da daxildir. “Ukrayna əvvəlcə Rusiya nümayəndə heyətinin ölkə üzərindən uçuşuna icazə verdi, ancaq sonra fikrini dəyişdi. Vaşinqtondan zəng gəldi?” deyə Medinski bildirib.
Nümayəndə heyətində yer alan deputat Aleksey Juravlyov isə deyib ki, Ukrayna tərəfinin təxribatından ehtiyat edərək onlar iki hissəyə ayrılıblar. Onun sözlərinə görə, bir sutka ərzində Ukrayna tərəfi mövqeyini üç dəfə dəyişib. “Əvvəlcə icazə vermədilər, sonra bildirdilər ki, uça bilərik. Bizim hərbçilər təxribatdan ehtiyat edərək nümayəndə heyətinin iki hissəyə ayrılmasını məsləhət gördülər. Biz iki hissəyə ayrıldıq və hazırda ayrı-ayrı yollarla Moskvaya qayıdırıq” deyə deputat bildirib.
Bundan əvvəl Dnestryanı bölgədən Moskvaya qayıda bilmədiyini bildirən baş nazirin müavini Dmitri Roqozin isə artıq Rusiya paytaxtındadır. Onun hansı yolla geri qayıtdığı açıqlanmır. Siyasətçi bildirib ki, Rusiya hərbi sənayesinin “öz cığırları” var və o, artıq Moskvadadır. “Xunta isə burununu qurdalamaqla məşğuldur” deyə Roqozin ironiya ilə Twitter-də yazıb.
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər