BolgeXeber.Com » Gündəm » İcra hakimiyyəti şəhidin qəbrinə yürüşə icazə vermədi - Şəhid anasından ittihamlar
İcra hakimiyyəti şəhidin qəbrinə yürüşə icazə vermədi - Şəhid anasından ittihamlar
6-04-2018, 14:41
Oxunub: 3 921
Qəbələ rayon İcra Hakimiyyəti məktəblər tərəfindən aprel şəhidi Sahil Şirinovun qəbrinin üstünə təşkil olunmuş yürüşə icazə verməyib
Bu barədə BakuPost-a S. Şirinovun anası Şəhla Şirinova məlumat verib. Ş. Şirinova saytımızla əlaqə saxlayaraq bildirib ki, icra hakimiyyəti son anda zəng edib və yürüşün təşkil olunmasına icazə verilmədiyini bildirib. Şəhid anası deyib ki, tədbir üçün rayon Təhsil Şöbəsindən də icazə alınıb: "Bu gün 11:30-da hamımız yığışıb qəbir üstünə yürüş edəcəkdik. Qəbələnin bir neçə məktəbindən də şagirdlər gəlməliydi. Direktorlarla müəllimlər xüsusi avtobuslar tutmuşdu. Şagirdlər məktəblərin həyətinə yığışıb, avtobuslarla bizə gəlmək istədiyi vaxt icra hakimiyyətindən zəng gəlib ki, uşaqların ora aparılmasına icazə yoxdur. Şagirdlər hamısı qalıb məktəblərin həyətində”.
Şəhla Şirinovanın sözlərinə görə, şagirdləri gətirə bilməsələr də, müəllimlər özləri Sahilin qəbrinin üstünə baş çəkiblər. Lakin planlaşdırılan tədbir şagirdlər gəlmədiyi üçün baş tutmayıb.
Qəbələ rayon İcra Hakimiyyətinin informasiya təminatı və təhlil sektorunun müdiri Zahir Kərimov məsələ ilə bağlı BakuPost-a açıqlamasında deyib ki, sözügedən tədbirdən xəbərləri belə yoxdur: "Siz dəqiq şəhidin anası ilə danışmısınız? Mən təəccübləndim, doğrusu. Çünki hazırda Hərbi Komissarlıq anım günü ilə bağlı orada tədbir keçirir. Başqa bir təşkilat günün ikinci yarısı ora getməlidir. Mənə belə bir informasiyanın verilməsi təəccüblü gəldi. Çünki bu, həssas mövzudur. Bizim də diqqətimizdə olan mövzudur. Anım günü ilə bağlı rayonumuzda silsilə tədbirlər keçirilib. Məktəblərdə də olub. Şəhidin anası özü də iştirak edib. Rayon hərbi komissarlığı da hazırda orada tədbir keçirir.
Rayonun ümumtəhsil məktəblərində ora getmək istiqamətində fikir olsaydı, bu tədbir əvvəlcədən formalaşardı, xəbərimiz olardı, yolun təhlükəsizliyini təmin edərdik, onları avtobusla təmin edərdik, yolda sakitliyi təmin edərdik. Onları müşayiət edən polis maşınları təşkil olunardı. Heç bizim xəbərimiz olmayıb. Bəlkə valideyn əsəbiləşib deyə belə bir şey deyir?”
Z. Kərimov əməkdaşımızın "Bəlkə icra hakimiyyətinin xəbəri olmayıb deyə zəng edib təxirə saldırıb” sualına belə cavab verib: "Bu istiqamətdə nəsə informasiya olsaydı bir neçə gün əvvəldən biz zəruri köməkliyimizi göstərərdik”.
Qeyd edək ki, Sahil Şirinov 2016-cı ilin aprel ayının 2-də Azərbaycan-Ermənistan təmas xəttində baş verən atışma zamanı şəhid olub. O, aprel ayının 6-da doğulduğu Qəbələ rayonunda torpağa tapşırılıb.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər