BolgeXeber.Com » Gündəm » Aqil Abbas :”Polislərimizin əməyini yüksək qiymətləndirirəm”

Aqil Abbas :”Polislərimizin əməyini yüksək qiymətləndirirəm”

21-01-2021, 09:21

Oxunub: 3 630

Bildiyiniz kimi Azərbaycanda koronavirus infeksiyasına ilk yoluxma fevralın 28-də aşkarlanıb.
Həmin vaxtdan əhalinin sağlamlığının qorunması məqsədilə Nazirlər Kabinetinin müvafiq Qərarı ilə  ölkədə tətbiq edilən karantin rejimi gələn il yanvarın 31-dək davam edəcək.
Bir müddət əvvələcən-karantin rejimi sərtləşdirilənə qədər ölkədə infeksiyaya gündəlik yoluxanların sayı 4000-4500 arasında idi.
Amma hal-hazırda koronavirusa yoluxanların sayı  dəfələrlə azalıb ki, bu da çox sevindiricidir.
Koronavirusla  mübarizədə uğurlu nəticələr əldə etməyimizdə polisin rolu haqda münasibət öyrənmək üçün Bolgexeber.com olaraq millət vəkili Aqil Abbasa müraciət etdik. Millət vəkili bildirdi ki, yoluxmanın sayının azalması ilk  əvvəl həkimlərimizin zəhmətidir:
“Hətta pandemiya ilə mübarizədə nə qədər həkimlərimiz dünyasını dəyişdi.
Bu baxımdan tibb işçilərini xüsüsi qiymətləndirmək lazımdır. Bütün çətinliklərə baxmayaraq onlar hələ də mübarizə aparırılar. Polisin əsas vəzifəsi cinayətkarlığa qarşı mübarizə aparmaq , ictimai asayişi , təhlükəsizliyi qorumaqdır.
Bildiyiniz kimi Azərbaycanda gündəlik normal iş vaxtının müddəti 8 saatdır. Amma bu qrafik polisin fəaliyyəti üçün yetərli deyil. Pandemiya dövrü başlayandan polislərimiz bəzən 10 saat, hətta 14 saat iş işləyirlər. Polislərimiz demək olar ki, gecə-gündüz ayaq üstə dayanırlar, gecə-gündüz növbəli xidmət edirlər.
Onlar koronavirusla mübarizədə həm profilkatik tədbirlər aparırlar,həm də karantin qaydalarını pozanları inzibati qaydada cəzalanadırırlar,cərimələr tədbiq edirlər.
Bütün bunlara görə polislərimizin əməyini yüksək qiymətləndirirəm”.

Çox Oxunanlar