BolgeXeber.Com » Xəbərlər » BDU-nun Jurnalistika fakultəsində QALMAQAL: Yeni səs yazısı yayıldı - AUDİO

BDU-nun Jurnalistika fakultəsində QALMAQAL: Yeni səs yazısı yayıldı - AUDİO

26-01-2017, 11:21
Oxunub: 2 250 BDU-nun Jurnalistika fakultəsində QALMAQAL: Yeni səs yazısı yayıldı - AUDİOBakı Dövlət Universitetinin Jurnalistika fakültəsinin dekan müavini Aytəkin Zeynalovanın tələbələrə ünvanladığı təhdid dolu mesajlarının səs yazısının yayılmasından sonra 13 tələbə imtahandan kəsilib

Bolgexeber.com-un məlumatına görə, bu barədə BakiPost.az-a tələbələr məlumat verib. Onlar bildirib ki, Jurnalistika fakültəsində Politologiya fənnindən keçirilən imtahan zamanı bir qrupun 13 tələbəsi aşağı bal alıb.

Tələbələr bunun dekanlığın həmləsi olduğunu iddia edir: "28 nəfərlik qrupdan 13 nəfər eyni vaxtda imtahandan kəsilib. Halbuki uşaqların hamısı imtahana 40-45 balla girib. Bu qədər balı olan tələbələrə imtahanda 10-12 bal yazılıb. Belə bir şey necə mümkündür ki?

Bundan başqa, imtahandan 14 nəfər kəsilsəydi, yenidən keçirilməli idi. Bilərək 13 nəfəri kəsiblər ki, təkrar imtahan keçirilməsin. Tələbələr növbəti semestrdə əziyyət çəksinlər. Səs yazısı mətbuata ötürüldüyü üçün bizdən acıq çıxırlar. Bizə mesaj vermək istəyirlər ki, başınıza oyun açarıq. Kəsrlərin politologiya fənnində olması da mesajın bir hissəsidir. Hamısı düşünülüb”.
BDU-nun Jurnalistika fakultəsində QALMAQAL: Yeni səs yazısı yayıldı - AUDİO


Məsələ ilə bağlı fakültənin dekanı Cahangir Məmmədlinin mövqeyini öyrənməyə çalışsaq da, telefon zənglərimizə cavab vermədi.

Bakı Dövlət Universitetinin mətbuat xidmətinin rəhbəri Pərvanə İbrahimova BakiPost.az-a açıqlamasında məsələnin araşdırılmalı olduğunu deyib: "Politologiya qeyri-ixtisas fənnidir. Həmin imtahanın cavablarını yoxlayanlar da başqa fakültənin müəllimləridir. Bu fənnin Jurnalistika fakültəsinin müəllimləri, dekanlığı ilə bir əlaqəsi yoxdur. Tələbələr özləri də bunu yaxşı bilir. Ona görə kəsilmənin məlum hadisəylə hansısa bağlılığını və ya bilərəkdən edildiyini düşünmürəm. Lakin araşdırıldıqdan sonra geniş açıqlama vermək olar”.