Bizimlə əlaqə | Reklam
BolgeXeber.Com » Xəbərlər » Vəkil Kamran Həsənli ilə bağlı nazirə müraciət etdi

Vəkil Kamran Həsənli ilə bağlı nazirə müraciət etdi

12-05-2017, 14:19
Oxunub: 3 001 Vəkil Kamran Həsənli ilə bağlı nazirə müraciət etdiMüğənni Samir Piriyevin vəkili Ceyhun Yusifov müvəkkilinin televiziya verilişi aparıcısı Kamran Həsənlidən verdiyi şikayətlə bağlı açılan cinayət işi üzrə istintaq hərəkətlərinin ləng aparılması haqda daxili işlər naziri Ramil Usubova müraciət edib

“Qafqazinfo”ya açıqlamasında C.Yusifov bildirib ki, K.Həsənlinin Türkiyədəki şirkətdə pay sahibi olub-olmamasına dair qonşu ölkəyə sorğu göndərilib: “Bir ildən çoxdur ki, müstəntiq Rüstəm Bayramov Türkiyəyə sorğu göndərmək adı ilə istintaqı dayandırıb. Bir ilə sorğuya cavab ala bilməyən müstəntiqin apardığı istintaqın keyfiyyəti necə olacaq? Konkret olaraq Kamran Həsənli və bacısı Gülər himayə olunur. Əslində, həmin soruğu lazım da deyil, sadəcə istintaqı uzatmaq üçün vasitə kimi istifadə edirlər. Kamran Həsənlinin və bacısının etirafları cinayəti sübut edir”.

Vəkil nazirə müraciət edərək bu işi öz nəzarətinə götürməyi xahiş edib.

K.Həsənli bildirib ki, pulları Türkiyədə fəaliyyət göstərən bir şirkətin səhmlərini S.Piriyevin adına almaq üçün qəbul edib.

Qeyd edək ki, S.Piriyev Nərimanov RPİ-yə müraciət edərək K.Həsənlinin ondan 85 min dollar alıb qaytarmadığını bildirib. Faktla bağlı Cinayət Məcəlləsinin 178.3.2-ci (külli miqdarda dələduzluq) maddəsi ilə cinayət işi açılıb. Bakı Şəhər Baş Polis İdarəsində istintaq davam etdirilir. K.Həsənli və bacısı G.Həsənlinin ölkədən çıxışına qadağa qoyulub.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]