ŞAD XƏBƏR: Azərbaycan bu xəstəliyə qalib gəldi

Azərbaycan və Tacikistan malyariyadan xilas ola bilən 42 ölkə siyahısına daxil olub.

Bolgə.TV xəbər verir ki, bu barədə Ümumdünya Səhiyyə Təşkilatının (ÜST) hesabatında qeyd olunub.

“Ümumdünya Səhiyyə Təşkilatı Azərbaycan və Tacikistanı öz ərazilərində malyariya xəstəliyinin ləğvi üzrə sertifikatlaşdırıb. Sertifikatlaşdırma iki ölkənin xəstəliyin aradan qaldırılması üçün bir əsrlik davamlı səyinin nəticəsidir. Sonuncu malyariyaya - “Plasmodium vivax” (P. vivax) yoluxma halı Azərbaycanda 2012-ci ildə, Tacikistanda isə 2014-cü ildə aşkar edilib”, - hesabatda qeyd olunub.