BolgeXeber.Com » Siyasət » “Uğursuz ölkələrin siyahisi” açiqlanib

“Uğursuz ölkələrin siyahisi” açiqlanib

21-06-2011, 20:45

Oxunub: 5 686

Azərbaycan “Uğursuz ölkələr siyahısı”nda 63-cüdür.

Reytinqi ABŞ-ın iki aparıcı politologiya institutu – “Foreign Policy” jurnalı və Amerika Sülh Fondu tərtib edib. “Azadlıq” radiosunun məlumatına görə, Rusiya 82-ci, Gürcüstan 47-ci, Türkiyə 104-cü, Ermənistan 101-ci yerdədir.

177 ölkənin daxil olduğu siyahı 12 sosial, iqtisadi və siyasi meyar əsasında hazırlanır. Bu meyarlara demoqrafik təzyiq, qaçqınların miqrasiyasi, narazı qrupların olması, insanların sabit və daimi miqrasiyası, qeyri-bərabər iqtisadi inkişaf, iqtisadi vəziyyətin pisləşməsi, qanunsuzluq, ictimai xidmətlərin keyfiyyətinin pisləşməsi, insan haqlarının pozulması, “dövlətdə dövlət” yaranması təhlükəsi, qrup və ya klan elitalarının güclənməsi və digər dövlətlərin müdaxiləsi kimi meyarlar aiddir.
Reytinq tərtibatçılarının fikrincə, dünyada ən əfəl dövlət Somalidir. Uğursuz ölkələr beşliyinə Çad, Sudan, Konqo və Haiti aiddir. Finlandiya başda olmaqla Norveç, İsveç, İsveçrə və Danimarka isə ən əlverişli və sabit ölkə olmaqla “Uğursuz ölkələr siyahısı”nda sonuncudurlar.

Çox Oxunanlar