BolgeXeber.Com » Bölgə » 1 manata görə qulaqlarını kəsdilər

1 manata görə qulaqlarını kəsdilər

29-10-2011, 10:50
Oxunub: 4 649 Cinayət əməlini törədən Yusif Nuriyev zərərçəkənin bir qülağını özü ilə aparıb

Bolgexeber.com xəbər verir ki, Bakının Sabunçu rayonu Bakıxanov qəsəbəsindəki parklardan birində qanlı soyğun hadisəsi baş verib. İsmayıllı sakini 1965-ci il təvəllüdlü Qəribov Nəsrəddin Seyfəddin oğlunun yolunu kəsərək pul tələb edən şəxslər ona 9 bıçaq xəsarəti yetiriblər. Qəribovun cibində olan cəmi 1 manat pulu götürən şəxslər daha sonra onun qulaqlarını kəsiblər.

Hadisədən sonra bir neçə saat huşsuz halda parkda qalan Qəribovu ərazidən keçən şəxslər əvvəl 13-cü polis bölməsinə, daha sonra isə xəstəxanaya çatdırıblar. Bölmə əməkdaşlarının keçirdiyi əməliyyat tədbirləri nəticəsində Qəribova xəsarət yetirən Əliyev Emil Faiq oğlu və Nuriyev Yusif Ağayusif oğlu saxlanılaraq məsuliyyətə cəlb ediliblər.

Qeyd edək ki, cinayət əməlini törədən Nuriyev Yusif zərərçəkənin bir qülağını kəsərək özü ilə aparıb. Nəsrəddin Qəribovun digər qulağını isə həkimlər yerinə bərpa ediblər. Artıq faktla bağlı cinayət işi qaldırılıb və saxlanılan şəxslər barəsində 13-cü polis bölməsində toplanan materiallar araşdırması üçün Sabunçu rayon polis idarəsinin istintaq şöbəsinə göndərilib. Bakıya işləmək üçün gəldiyini deyən zərərçəkən Nəsrəddin Qəribov isə yenidən İsmayıllıya qayıtmağı fikirləşir.