BolgeXeber.Com » Bölgə » "Gelişim Group" şirkəti Lerik əhalisinə Kərbəla müsibəti yaşadır

"Gelişim Group" şirkəti Lerik əhalisinə Kərbəla müsibəti yaşadır

5-08-2014, 10:50

Oxunub: 3 569

Rayon sakinlərinin Əhməd Əhmədzadənin qurumuna etdiyi şikayətlərə məhəl qoyan olmayıb

Tenderi udmuş, lakin su təhcizatı sistemini dağıtmış "Gelişim Group"unu rəhbərləri rayondan qaçıb, İcra Hakimiyyəti isə iritutumlu su maşınları ilə evlərə su paylayır

Lerik rayonunda su problemi ciddi şəkil alıb. Buna səbəb isə rayonda su təhcizatı və kanalizasiya sisteminin yenidən qurulmasını həyata keçirən Türkiyənin "Gəlişim İnşaat, Turizm, Sənaye və Ticarət LTD"nin "Gelişim Group" şirkəti işləri yarımçıq qoyaraq qaçmasıdır. Bu barədə Jam.az-a rayondakı mənbələrdən məlumat daxil olub.

Əldə etdiyimiz məlumatda deyilir ki, Lerik şəhərinin su təchizatının və kanalizasiya sisteminin yenidən qurulması ilə əlaqədar Dünya Bankı ilə Azərbaycan hökuməti arasında kredit müqaviləsi bağlanılıb. Sazişə əsasən su təchizatı və kanalizasiya şəbəkələrinin, həmçinin su və çirkli su qurğularının təkmilləşdirilməsi məqsədilə "Meliorasiya və Su Təsərrüfatı" ASC-nin elan etdiyi tenderin isə qalibi Türkiyənin "Gəlişim İnşaat, Turizm, Sənaye və Ticarət LTD"nin "Gelişim Group" şirkəti olub. O da vurğulanır ki, 2011-ci ildə Azərbaycan hökuməti dövlət qarantı ilə bu layihənin gerçəkləşməsi üçun 22 milyon manat kredit götürüb.

Şirkətin rayonda su təchizatı və kanalizasiya şəbəkələrinin təkmilləşdirilməsini həyata keçirən tikinti rəisi Mustafa Yalçınkaya isə yoxa çıxıb.

Məlumatda deyilir ki, hazırda iş dondurulmuş vəziyyətdə qalıb. Rayonda su təhcizatı sahəsində biabırçı vəziyyətin yaranması səsbəbindən Lerik İcra Hakimiyyəti problemi aradan qaldırmağa çalışır. Bunun üçün ilk olaraq öz daxili imkanlarını səfərbər edən İcra Hakimiyyəti özü problemə üzləşib. Məlum olub ki, türk şirkəti bütün işləri keyfiyyətsiz şəkildə gördüyündən, bütün su boruları sıradan çıxıb. Bu azmış kimi, "Gelişim Group"un gördüyü işlər nəticəsində nəinki yenilik edilib, hətta Lerikin su təhcizatı sektoruna ciddi zərər vurulub. Üstəlik, həmin təhcizat sizstemi dağılıb.

Qeyd edək ki, hazırda Lerik İcra Hakimiyyəti daxili imkanlar hesabına bərpa etdiyi işləri dayandırmaq məcburiyyətində qalıb. Bunun üçün lazımı qədər maliyyə vəasitinin olmaması, habelə işin həddinədn artıq iri həcimliliyi yerli qurumların problemi aradan qaldırmaq imkanlarını sıfra endirib.

İşin bir maraqlı tərəfi də odur ki, Meliorasiya və Su Təsərrüfatı ASC-nin nəzarətində olan bu işlər həmin qurumu da qəti maraqlandırmır. Rayon sakinlərinin Əhməd Əhmədzadənin qurumuna etdiyi şikayətlərə isə məhəl qoyan olmayıb. Nəticədə, bu gün Lerik camaatı evlərinə suyu qablarda daşımaq məcburiyyətində qalıb. Lerik İcra Hakimiyyəti isə bu işdə sakinlərə kömək məqsədi ilə iritutumlu su maşınlarıya evlərə su paylayır. Rayon rəhbrəliyi ilkin mərhələdə problemi bu şəkildə aradan qaldırmaq istəyir. Amma bununla problemin çözüləcəyinə iman çox azdır. Çünki bu kompleks yanaşma tələb edir.

Verilən məlumatda deyilir ki, rayon rəhbərliyi problemin həlli üçün ciddi səy göstərməkdədir. Problemin qısa müddətdə aradan qaldırılması üçün yollar axtarılır.

Çox Oxunanlar