Bizimlə əlaqə | Reklam
BolgeXeber.Com » Sosial » Qəbristanlıq müdirinin oğlu güllələndi

Qəbristanlıq müdirinin oğlu güllələndi

5-04-2012, 14:55
Oxunub: 7 054 Bakıda məzar üstündə atışma, oğlunu qan içində görən ata qisas aldı

Bakının Binəqədi rayonu ərazisində silahlı insident olub. Rayon Polis İdarəsindən verilən məlumata görə, Binəqədi rayonu ərazisində yerləşən qəbristanlıqda məzar yeri üstündə dünən münaqişə nəticəsində bir nəfər güllələnib, biri isə bıçaqlanıb.

İlkin məlumata görə, qəbristanlığın rəhbəri olan Zülfiqar Məmmədov həmin ərazidə qəbir yeri olan Zeynal Abbasovu bıçaqlayıb. Binəqədi Rayon Polis İdarəsinin 4-cü polis bölməsi əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini Zülfüqar Məmmədov tutulub.

Zülfiqar Məmmədovun ifadəsindən sonra məlum olub ki, həmin gün Z.Abbasovun qardaşı Heybət “Makarov” tipli tapança ilə Z.Məmmədovun oğlu Cavidi bud nahiyəsindən yaralayıb. C.Məmmədov xəstəxanaya yerləşdirilib, vəziyyəti qənaətbəxşdir. H.Abbasovun tutulması üçün tədbirlər görülür.

Binəqədi Rayon Polis İdarəsinin baş əməliyyat müvəkkili Vaqif Aslanov bildirdi ki, Zeynal Abbasov və qardaşı Heybət qəbristanlıqda əvvəlcədən aldıqları 15 nəfərlik qəbir yerini genişləndirmək istəyiblər. Qəbristanlığın rəhbəri Zülfiqar Məmmədov buna icazə verməyib. Elə bu mübahisə üstündə Heybət tapança ilə Zülfiqar Məmmədovun oğlu Cavidi güllələyib. Oğlunu qan içində görən ata özündən çıxaraq Zeynal və Heybət qardaşlarının üstünə gedib. Mübahisə zamanı təkləndiyini görən Zülfiqar bıçaqla Zeynala xəsarət yetirib.

Faktla bağlı Cinayət Məcəlləsinin qəsdən sağlamlığa ağır xəsarət yetirmə (126-cı) və qanunsuz odlu silah saxlama (228-ci) maddələri ilə cinayət işi başlanıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]