Bizimlə əlaqə | Reklam
BolgeXeber.Com » İdman » AFFA buna görə "Qarabağ"ı cərimələdi

AFFA buna görə "Qarabağ"ı cərimələdi

3-06-2025, 12:23
Oxunub: 1 872 AFFA İntizam Komitəsi "Qarabağ" və "Sabah" klublarını cərimələyib.
Bolgə.tv xəbər verir ki, bu barədə milli assosiasiyanın rəsmi saytı məlumat yayıb.
İntizam Komitəsinin bugünkü iclasında tərəflər arasında keçirilmiş Azərbaycan Kubokunun final oyununda yaşananlara hüquqi qiymət verilib.
"Qarabağ" klubuna dörd nəfər sarı vərəqə aldığı üçün 700 manat cərimə kəsilib. Ağdam təmsilçisinin məşqçisi Müşfiq Hüseynov 120-ci dəqiqədə meydana daxil olaraq hakimin qərarına etiraz edib. Birbaşa qırmızı vərəqə alan mütəxəssis iki oyunluq cəza alıb. Kluba 1500 manat cərimə tətbiq olunub.
Komandanın futbolçusu Yassin Benzia referini təhqir etdiyinə görə birbaşa qırmızı vərəqə görüb. O, ardınca ədalət təmsilçilərinə fiziki təzyiq göstərməyə cəhd edib və bu səbəbdən 5 matçlıq cəza ilə üzləşib. "Qarabağ" oyunçunun davranışına görə 3000 manat ödəməli olacaq. "Köhlən atlar" azarkeşlərin pirotexniki vasitədən istifadəsi ucbatından 1500 manat ziyana düşüb.
"Sabah"a isə beş futbolçu sarı vərəqə aldığından 700 manat, fanatların pirotexniki vasitədən istifadəsinə görə 1500 manat cərimə kəsilib.
Qeyd edək ki, rəqibini əlavə vaxtda 3:2 hesabı ilə üstələyən "Sabah" Azərbaycan Kubokunun sahibi olub.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]