Tək övladlar üçün imtiyaz hazirlanir
10-08-2011, 17:30
Oxunub: 5 637
Onlar hərbi xidmətdən azad olunacaqlar
Azərbaycan Parlamentinə "Hərbi çağırışın əsasları", "Hərbi xidmət haqqında" və digər qanunvericilik aktlarına dəyişikliklər edilməsi barədə ictimaiyyətdən bir sıra təkliflər daxil olub. Bunu jurnalistlərə Milli Məclisin Təhlükəsizlik və müdafiə komitəsinin üzvü, millət vəkili Siyavuş Novruzov bildirib.
Onun sözlərinə görə, daxil olan təkliflər əsasən magistratura ilə bağlı məsələlərlə əlaqədardır. "Hazırda Azərbaycanda ali məktəblərin bakalavriatura pilləsini bitirən oğlanlar magistraturaya daxil olsalar da, hərbi xidmətə gedirlər. Təklif olunur ki, magistraturaya daxil olmuş şəxslər təhsillərini başa çatdırdıqdan sonra hərbi xidmətə getsinlər. Bundan əlavə, o da təklif olunur ki, ali məktəbi bitirən şəxslərə magistraturaya qəbul imtahanlarında iştirak etmək üçün şərait yaradılsın, qəbul olmadıqları təqdirdə hərbi xidmətə getsinlər", - Novruzov əlavə edib.
Deputat qeyd edib ki, daxil olan təkliflər sırasında ailənin tək övladı olan şəxslərin hərbi mükəlləfiyyətdən azad olunması məsələsi də qeyd edilir.
O, həmçinin bildirib ki, bu təkliflərin qanun şəklinə salınması üçün müzakirələr aparılmalıdır, lakin hələ ki bu, baş tutmayıb.
"Bütün irəli sürülən təkliflər nəzərdən keçirildikdən sonra bu məsələ Təhlükəsizlik və müdafiə komitəsində və Milli Məclisin iclasında müzakirə oluna bilər", - Novruzov deyib.
Azərbaycanın mövcud qanunvericiliyinə əsasən, magistraturaya daxil olan şəxslər üçün hərbi xidmətdən möhlət hüququ verilmir. Bundan əlavə, ailənin tək övladının hərbi xidmətə çağırılması da həyata keçirilir.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər