BolgeXeber.Com » Gündəm » “Hörmətli reket jurnalist qardaşlarımız mənə mükafat verib”

“Hörmətli reket jurnalist qardaşlarımız mənə mükafat verib”

24-04-2014, 09:05

Oxunub: 2 960

“Mən niyə təvazökarlıq eləməliyəm ki"

Aprelin 23-də Sabunçu Rayon İcra Hakimiyyətində Kütləvi İnformasiya Vasitələrinə Dövlət Dəstəyi Fondunun (KİVDF) təşkilatçılığı ilə redaktorlarla görüş keçirilib.

Bolgexeber.com bildirir ki, gunxeber.com-un əldə etdiyi məlumata görə, görüşdə çox maraqlı anlar yaşanıb.

Məlum olub ki, reket jurnalistlər icra başçılarına, ayrı-ayrı məmurlara mükafatlar verirlər. Bu faktı Sabunçu Rayon İcra Hakimiyyətinin başçısı Adil Vəliyev açıqlayıb.
Mətbuatla münasibətlərindən danışan icra başçısı “hətta hörməli reket jurnalistlər qardaşlarımız mənə mükafat da veriblər” deyib. Bu məqamda KİVDF rəhbəri Vüqar Səfərli onu saxlamağa çalışıb ki, belə ifadələr işlətmək olmaz.

Çünki reket jurnalistlər yaxşı jurnalistlər deyil. A.Vəliyevin isə cavabı belə olub: “Mən niyə təvazökarlıq eləməliyəm ki. Olanı deyirəm. Reket jurnalist qardaşlarımız mənə mükafat veriblər. Düzdür bir az xərcim də çıxıb, amma onlar pis adamlar deyillər”. İcra başçısının bu dediklərindən sonra zalda tamam başqa ab-hava yaranıb.

Çox Oxunanlar