BolgeXeber.Com » Ölkə » Cahangir Hacıyevin klubunda maliyyə problemi - AÇIQLAMA

Cahangir Hacıyevin klubunda maliyyə problemi - AÇIQLAMA

2-05-2015, 16:03
Oxunub: 3 397 Cahangir Hacıyevin klubunda maliyyə problemi - AÇIQLAMAAzərbaycan Beynəlxalq Bankının sabiq prezidenti Cahangir Hacıyevin klubunda maliyyə problem yaranıb

BOLGEXEBER.COM bildirir ki, apasport.az-ın əldə etdiyi məlumata görə, “İnter”də iclas keçirilib və futbolçulara “pul yoxdur” deyilib.

Rəhbərlik təkcə futbolçulara yox, klubun bütün işçilərinə hələlik maaşların verilməyəcəyini xəbər edib. İki aydı pul üzü görməyən komanda üzvlərinə maaşların ən yaxşı halda mayın sonlarında, yəni mövsüm bitdikdən sonra verilə biləcəyi xatırladılıb.

Verilən qərara görə, klubun büdcəsi xeyli azaldılacaq, futbolçular indikindən qat-qat az maaşa oynayacaqlar. Oyunçulara artıq yeni müqavilə də təklif edilib. Ancaq burda qalmaq istəyirlərsə, az pula oynamağa razılıq verməlidilər. Buna isə əksər oyunçular razı deyil. Komanda heyətinin, demək olar, 90 faizinin müqaviləsi mayda başa çatacaq.

Yüksək ödənişli yerli və əcnəbi futbolçularla yollarını ayıracaq “İnter” gələn mövsüm hədəfini kiçildərək, əsasən, yerli gənclərə üstünlük verəcək. Mövsümün sonunda Kaxaber Sxadadze ilə də yollarını ayıracaq “İnter”də bu posta yerli mütəxəssisin gətiriləcəyi artıq dəqiqləşib.

Klubun mətbuat xidmətinin rəhbəri Səbuhi Məmmədov da sayta açıqlamasında bu məlumatların bir qismini təsdiqləyib: “Klubda maliyyə problemi var, bunu gizlətmirəm. Mart və aprel ayının maaşları ödənilməyib. Lakin rəhbərlik mövsümün sonuna qədər bu problemi yoluna qoyacaq. O ki qaldı heyətdə islahatların aparılmasına, bəli, klub prezidenti də müəyyən dəyişikliklərin olacağını demişdi”.