Bizimlə əlaqə | Reklam
BolgeXeber.Com » Xəbərlər »  “Şəhriyar” şadlıq sarayının və “Qarabağ Broyler” MMC-nin sahibinə hökm oxundu

 “Şəhriyar” şadlıq sarayının və “Qarabağ Broyler” MMC-nin sahibinə hökm oxundu

15-02-2017, 19:07
Oxunub: 12 280  “Şəhriyar” şadlıq sarayının və “Qarabağ Broyler” MMC-nin sahibinə hökm oxunduBu gün Bakı Ağır Cinayətlər Məhkəməsində narkotik alveri və odlu silah saxlamaqda təqsirləndirilən iş adamı Nəriman Əliyevin cinayət işi üzrə məhkəmə prosesi yekunlaşıb

Virtualaz.org saytının xəbərinə görə, prosesə hakim Mirzə Xankişiyev sədrlik edib. Prosesdə hökm oxunub. Hökmə görə, N.Əliyev 1 il müddətinə azadlıqdan məhrum edilib.

Qeyd edək ki, N.Əliyev Cinayət Məcəlləsinin 234-cü (qanunsuz olaraq narkotik vasitə əldə etmə, saxlama, satma) və 228-ci (qanunsuz olaraq odlu silah saxlama) maddələrinə əsasən ittiham olunub. O, Bakıxanov qəsəbəsində yerləşən "Şəhriyar" şadlıq evinin və “Qarabağ Broyler” MMC-nin sahibidir.

Yeri gəlmişkən qeyd edək ki, N.Əliyevin həbsindən bir müddət sonra onun 20 yaşlı gənc oğlu Asim Əliyev qəfildən dünyasını dəyişmişdi. Belə ki, qardaşı Şəhriyar Əliyev ilə birlikdə 10 SL 222 dövlət qeydiyyat nişanlı avtomobillə hərəkət edərkən qəfildən halı pisləşən gənc qardaşından avtomobili saxlamasını xahiş edib. O, körpünün üzərində dayanarkən yıxılıb. A.Əliyev xəstəxanaya çatdırılsa da, onun həyatını xilas etmək mümkün olmayıb.

Həkimlərin dediyinə görə, A.Əliyev infarkt keçirib. Ötən il dekabr ayının 10-da A.Əliyevin toy məclisi olacaqmış.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]