BolgeXeber.Com » Xəbərlər » Siyəzəndə dələduzluq edərək 16 min manatı ələ keçirən şəxs saxlanılıb

Siyəzəndə dələduzluq edərək 16 min manatı ələ keçirən şəxs saxlanılıb

17-02-2023, 10:23
Oxunub: 1 240

Daxili İşlər Nazirliyinin Mətbuat Xidmətinin Quba regional qrupundan Bolgexeber.com-a bildirilib ki, Siyəzən  Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində ayrı-ayrı vətəndaşların etibarından sui-istifadə edərək onlara qarşı dələduzluq etməkdə şübhəli bilinən rayon sakini Mazan  Əzimov  saxlanılıb. Dindirilmə zamanı o, törətdiyi əməlləri etiraf edib.


Araşdırmalar zamanı məlum olub ki, M.Əzimov  vətəndaşlara qarşı dələduzluq etməklə  ümumilikdə 16000 (on altı min) manat civarında pulu ələ keçirib.


Faktlarla bağlı Siyəzən RPŞ-də cinayət işi açılıb, araşdırmalar aparılır. Saxlanılan şəxs barəsində rayon məhkəməsinin qərarı ilə həbs qətimkan tədbiri seçilib.


Polis əməkdaşları Mazan Əzimovun  digər analoji cinayətlərdə iştirakını da istisna etmirlər. Əgər bu şəxsin əməllərindən zərərçəkən başqa vətəndaşlar varsa, DİN-in “102” xidməti zəng mərkəzinə, həmçinin Siyəzən  RPŞ-yə müraciət etmələri xahiş olunur.