BolgeXeber.Com » Bölgə » Masallı məmurlarının topdağıtmaz villaları-FOTOLAR

Masallı məmurlarının topdağıtmaz villaları-FOTOLAR

5-05-2014, 09:55

Oxunub: 4 729

İcra Hakimiyyəti başçısının müavinləri rayonda dəyəri yüz minlərlə manat ölçülən evlər tikidiriblər.

Masallı məmurlarının topdağıtmaz villaları üzə çıxıb. Daha doğrusu, Bolgexeber.com-un əməkdaşları rayonda Köhnə Xəstəxananın yaxınlığı kimi tanınan ərazidə inşa edilmiş, dəyəri yüz minlərlə manat olan evlərin fotolarını çəkməyə nail olub. Bildirək ki, bu evlərin hər biri ayrı-ayrı məmura məxsusdur. Həmin ərazidə torpağın bir sotunun qiyməti isə 5000-6000 manat civarındadır. Fotodakı evlərin biri Masallı İcra Hakimiyyəti başçısı Rafil Hüseynovun aqrar məsələlər üzrə müavini Nəsir Muxtarlıya məxsusdur. Digəri isə İcra Hakimiyyətinin Sosial-iqtisadi inkişafın təhlili və proqnozlaşdırılması şöbəsinin müdiri, habelə icra başçısının müavini Seymur Nuriyevindir. Şəkildəki villalardan biri isə Masallı İcra Hakimiyyətinin sektor müdiri Məmmədhüseyn Hüseynovundur. Bir digəri isə Masallı Şəhər İcra Nümayəndəsinin sabiq rəhbəri, rüşvət aldığına görə həbs olunmuş Laçının evidir. Maraqlıdır ki, əyalət məmurlarının bu qədər pulları hardandır ki, belə bahalı evlərə sahib olublar? Aydın məsələdir ki, dövlətin əmlakını və vəsaitlərini dağıtmaqla bu imkanlara çatmış şəxslərdir. Hər halda Korrupsiyaya Qarşı Mübarizə Baş İdarəsi bununla bağlı araşdırma apararsa, bütün həqiqətlər üzə çıxmış olar. Yazıda adları keçən şəxslərin də mövqeyini dərc etməyə hazırıq.
Bolgexeber.com

Bolgexeber.com

Çox Oxunanlar