BolgeXeber.Com » Bölgə » Astarada vəziyyət kritik həddə çatmaq üzərədir

Astarada vəziyyət kritik həddə çatmaq üzərədir

7-06-2014, 16:30

Oxunub: 3 288

Narazı rayon sakinləri icra başçısını fitə basdılar

İyunun 5-də Astara rayonunun Kijəbə qəsəbə inzibati ərazi dairəsi üzrə nümayəndəliyinin Tüləküvan kəndində yerli əhalinin səyyar qəbulunu keçirən Rayon İcra Hakimiyyətinin başçısı Qəzənfər Ağayev qınağa tuş gəlib.

Bolgexeber.com bildirir ki, bu barədə infom.az-a həmin tədbirdə iştirak edən sakinlərdən biri məlumat verib.

Əhali qarşısında çıxış edərkən Qəzənfər Ağayev respuplikanın hər yerində, o cümlədən Astara rayonunda geniş miqyasda abadlıq, qurucluq işlərinin aparılmağından danışıb.

Bu zaman sakinlər icra başçısının sözünü kəsərək, rayonun inkişafı barədə deyilənlərə etiraz ediblər. Yerlərdən “Siz öz fəaliyyətinizdən danışın” replikaları səslənib.

Kənd sakinləri: Şahmirzə İsayev, Gülbala Hidayətov, Musadiq Hidayətov, Tahir Ağayev və başqaları yaşadıqları yerin sosial problemlərindən, infrastrukturun bərbad olmağından narazılıqlarını dilə gətiriblər.

Maraqlısı odur ki, kənd bələdiyyəsinin sədri Firudin Abbasov da sakinlərin dediyini təsdiqləyərək, bildirb ki, kəndə təbii qaz hələ də çəkilməyib, kəndi rayon mərkəzi ilə birləşdirən yol bərbad vəziyyətdədir, əhali içməyə təmiz su tapmır, elektrik xətlərinin təmirinə, yeni transformatorun alınmasına, yeni məktəb binasının tikintisinə, Şəmətük kəndində çay üzərində körpü salınmasına ehtiyac var .

Arzu olunmayan vəziyyətlə qarşılaşan icra başçısı, əhalini sakitləşdirmək üçün söz verib ki, qaldırılan məsələlərin qısa zamanda həllini tapması üçün var qüvvəsi ilə çalışacaq.

Çox Oxunanlar