XƏBƏR LENTİ
ƏN ÇOX OXUNULANLAR

SORĞU
 

Saytımızın yeni görünüşü

Əla!
Yaxşı
Normal
Fərq görmürəm
Çox pis!

 
 

Nizami Paşayev 38 yaşında üçqat dünya çempionu oldu

Nizami Paşayev 38 yaşında üçqat dünya çempionu olduBeynəlxalq Ağır Atletika Federasiyası rəsmi şəkildə qazaxıstanlı atlet Vladimir Sedovun 2008-2016-cı illərdə qazandığı nəticələri ləğv edib.

Oxu.Az xəbər verir ki, buna səbəb idmançının dopinq testinin müsbət nəticə verməsidir.

Beləliklə, onun dünya çempionatından qazandığı üç medal (qızıl, gümüş və bürünc), eləcə də, Asiya birinciliyi zamanı əldə etdiyi üç mükafat (iki qızıl və bir gümüş medal) əlindən alınacaq. 31 yaşlı Sedov səkkiz il müddətinə diskvalifikasiya olunub.

Azərbaycan üçün bunun önəmi isə bundan ibarətdir ki, Vladimir Sedov 2009-cu ildə Cənubi Koreyanın Koyanq şəhərində keçirilmiş dünya çempionatında 94 kq çəki dərəcəsində çıxış edib və toplamda 402 kq qaldırıb. O, qızıl medal qazanarkən ikinci yeri Nizami Paşayev tutub. Nizaminin nəticəsi 387 kq olub.

Bu isə o deməkdir ki, 38 yaşlı Paşayev üçqat dünya çempionu olub. Həmçinin, üçüncü yeri tutmuş koreyalı Kim Min-ceyə gümüş, dördüncü yerdə qərarlaşmış onun həmyerlisi Kim Seon-conqa bürünc medal veriləcək. Digər azərbaycanlı atlet Rövşən Fətullayev isə altıncı sıradan beşinci yerə yüksəlib.

Qeyd edək ki, Nizami Paşayev 2002-ci ildə Varşavada və 2009-cu ildə Dohada dünya çempionu olmağı bacarıb. Bununla da o, üçqat dünya çempionu olmuş ilk azərbaycanlı kimi tarixə düşüb.
Bölmə: İdman | 07 dekabr 2019 11:40





ŞƏRH YAZ
Adınız:       E-mail ünvanınız:

Qalın Maili Alt cizgi Üst cizgi | Solda Mərkəzdə Sağda | Gülməcə əlavə et Keçid linki əlavə etQorunmuş keçid linki əlavə et Выбор цвета | Gizli mətn Sitat gətir Seçilmiş yazıları kiril əlifbasına çevir Вставка спойлера
Rəsimdə gördüyünüz kodu daxil edin: