Yelmar Vəliyev YAP-ın təmsilçisi rolunda
26-10-2010, 14:05
Oxunub: 2 814
Yevlaxın icra başçısı çıxışlarında YAP-ı dilindən düşürmür; Rayonda yerləşən dairələrdə hakim partiyanın namizədlərini dəstəkləmək barədə tapşırıq verilib
Rayon icra başçılarının dairələrdə hakimiyyət namizədlərini kobud qanun pozuntuları hesabına dəstəklədiyi barədə yazmaqdan yorulduq, lakin rayon rəhbərləri bu tip əməllərdən yorulmaq, usanmaq bilmir. Elə gün olmur ki, redaksiyamıza hansısa rayonun icra başçısının həmin rayondakı hakimiyyət və ya YAP namizədini dəstəklədiyi barədə məlumat daxil olmasın. Lakin rayon rəhbərləri hələ də inadlarından dönmür, saxtakarlığı davam etdirirlər. Redaksiyamıza gələn bilgilər də bunu təsdiqləyir.
Bu barədə daxil olan son məlumatlardan birində isə Yevlax rayonunun İcra başçısı Yelmar Vəliyevin törətdiklərindən bəhs edilir. Rayon sakinlərindən redaksiyamıza daxil olan məlumatda deyilir ki, İcra başçısı Yelmar Vəliyev Yevlaxda yerləşən Tütün zavodunun klubunda rayon müəllimləri ilə görüş keçirib. İcra başçısı görüş zamanı orta məktəb müəllimlərinə YAP-ın fəaliyyəti barədə geniş məlumat verib. Bununla yanaşı, Yelmar Vəliyev bütün müəllimləri seçki günündə 48 saylı Yevlax şəhər və 49 saylı Yevlax-Mingəçevir seçki dairələrində Yeni Azərbaycan Partiyasının namizədlərinə səs verməyə çağırıb. Mənbəmiz deyir ki, müəllimlərlə görüşdə YAP namizədlərinə səs verməyi istəyən icra başçısı daha sonra məktəb direktorlarına qəti şəkildə tapşırıq verib ki, Yevlaxdakı bütün müəllimlər bir qayda olaraq, hakim partiyanın namizədinə səs versin. Əks təqdirdə, bunun cəzasını məktəb direktorları vəzifə itgisi ilə əvəzləyə bilər.
Qeyd edək ki, 48 saylı Yevlax şəhər seçki dairəsində hakim partiyanın vahid namizədi millət vəkili İlham Məmmədov, 49 saylı Yevlax-Mingəçevir seçki dairəsindən isə millət vəkili Əli Hüseynovdur. Hər iki şəxsin dairəsində müxalifətin güclü namizədləri bir qayda olaraq, qeydə alınmadı və iki millət vəkili də seçkilərə demək olar ki, alternativsiz girdilər.
Çox Oxunanlar
- 27-04-2024, 18:58 : Bakı metrosunda ölüm baş verib
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 11-05-2024, 17:48 : Bakıda daha bir YENİLİK
Xəbərlər / Ölkə
- 20-04-2024, 15:57 : Cavanşir Məmmədovla vida mərasimi keçirilir
Şou-Biznes
- 4-05-2024, 17:28 : XİN rəsmi məlumat yaydı
Siyasət / Xəbərlər
- 18-04-2024, 17:24 : Rəqsanə İsmayılovanın əmlaklarına həbs qoyulub? - AÇIQLAMA
Şou-Biznes
- 1-05-2024, 17:35 : Ermənistanda yeniyetmə minaya düşdü
Dünya / Xəbərlər
- 27-04-2024, 17:55 : Şeytan çarxı fəaliyyətini dayandırıb?
Xəbərlər / Ölkə
- 30-04-2024, 14:11 : “Qarabağ” - “Neftçi” oyununun stadionu dəyişdirilib
İdman
- 18-04-2024, 15:16 : "Ulu Öndər Heydər Əliyev və Azərbaycan təbiəti" adlı tədbir keçirilib
Bölgə / Xəbərlər