BolgeXeber.Com » Gündəm » Təfəkkür Universitetinin prorektoru qətlə yetirilib

Təfəkkür Universitetinin prorektoru qətlə yetirilib

16-09-2011, 20:10
Oxunub: 3 169 Tariyel Əhmədov başından aldığı xəsarətlə qətlə yetirilib

Bakının Yasamal rayonu ərazisində küçədə meyit tapılıb. Rayon Polis İdarəsindən verilən məlumata görə, meyit bu gün səhər Şərifzadə küçəsi, 8 saylı evin qarşısında aşkarlanıb. Aparılan araşdırmalardan sonra meyiti Tariyel Əhmədova aid olduğu müəyyən edilib.

Ölümünün səbəbi məlum deyil. Polis və prokurorluq əməkdaşları hadisə yerindədirlər. Bolgexeber.com-un əldə etdiyi məlumata görə, küçədə dünyasını dəyişən şəxs Təfəkkür Universitetinin elmi işlər üzrə prorektoru Tariyel Əhmədovdur. Təfəkkür Universitetindən verilən məlumata görə, prorektor hər səhər idmanla məşğul olurmuş.

Yasamal rayon prokurorluğundan verilən məlumata görə, prorektor başından aldığı xəsarətlər nəticəsində qətlə yetirilib.