Bizimlə əlaqə | Reklam
BolgeXeber.Com » Gündəm » Şirvanda qanlı olay

Şirvanda qanlı olay

29-09-2011, 01:10
Oxunub: 7 513 Sahibkarın oğlu pula görə satıcının boğazını kəsdi

Şirvan şəhərində ağır qətl hadisəsi qeydə alınıb. Hadisə ötən gün saat 20 radələrində Köhnə Şəhər adlanan yaşayış massivindəki mağazada baş verib. Bolgexeber.com-a məlumat verən qaynaq deyir ki, Heydər Əliyev prospektində yaşayan və adıçəkilən ünvanda satıcı işləyən Emin Qeyrət oğlu Əliyev boğazı kəsilərək öldürülüb.

Məlumatlara görə, qətl hadisəsini törədən şəxs mağazanın sahibi, Şirvanda Hacı Nizam adı ilə tanınan şəxsin oğlu Mehmandır. Məlumatda deyilir ki, iş adamının oğlu Mehman axşam saatlarında dükana gələrək satıcı Emin Əliyevdən pul istəyib. Mərhum da onun atasının icazəsi olmadan kassadan pul verə bilməyəcəyini deyib və nəticədə münaqişə yaranıb. Münaqişə zəminində dükan sahibinin oğlu Emin Əliyevin boğazını bıçaqla kəsərək, qətlə yetirib.

Şirvan Şəhər Polis Şöbəsindən Bolgexeber.com-a daxil olan məlumata görə, polis rəisi hadisə yerinə gedib və hazırda qətl hadisəsi ilə bağlı araşdırma aparılır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]