BolgeXeber.Com » Gündəm » Antikorrupsiyanın ikinci dalğası başladı

Antikorrupsiyanın ikinci dalğası başladı

3-10-2011, 16:15

Oxunub: 5 228

Rayonlarda total yoxlamalara start verilib, çoxsaylı həbslər gözlənilir

Hələ bir müddət əvvəl xəbər verilmişdi ki, Azərbaycan hakimiyyəti antikorrupsiya tədbirlərini genişləndirmək məqsədi ilə kampaniyanın ikinci dalğasına start verməyə hazırlaşır. Bunun oktyabr ayına təsadüf edəcəyini bildirən qaynaqlar vurğulamışdılar ki, ikinci mərhələdə vəziyyət daha ağır ola bilər.

Bolgexeber.com bildirir ki, TİA.AZ saytına saxil olan məlumatlara görə isə artıq rayonlarda antikorrupsiya yoxlamalarına start verilib. Etibarlı mənbələrdən daxil olan məlumatda deyilir ki, bir çox rayonlarda həyata keçirilən yoxlamalar əsasən dövlət müəssisələrini əhatə edir. Lakin bu müəssisələr kateqoriyalara bölünüb. Mənbənin sözlərinə görə, ilkin mərhələdə təhsil və səhiyyə sahələrində yoxlama aparılır. Bunun ardından isə digər dövlət qurumları hədəfə götürüləcək.

Xəbəri verən qayqan iddia edir ki, ikinci dalğa kifayət qədər ağır olacaq və ciddi həbslərin olacağı istisna edilmir. Amma buna baxmayaraq, icra başçısı səviyyəsində həbslərin olacağı gözlənilmir. Lakin mümkündür ki, yerli təhsil şöbələrini və ya baş həkimlərinin həbsi reallaşsın. Ona görə də, rayonlarda bütün dövlət işçiləri təlaş içindədirlər.

Çox Oxunanlar