Bizimlə əlaqə | Reklam
BolgeXeber.Com » Gündəm » Sarkozi Bakıda

Sarkozi Bakıda

7-10-2011, 17:55
Oxunub: 6 355 Fransa Prezidenti Nikola Sarkozi cümə günü Azərbaycana səfərə gəlib.

Fransa Prezidentinin Azərbaycana səfəri çərçivəsində oktyabrın 7-də Azərbaycanda fransız məktəbinin təsis olunması barədə sazişin imzalanması planlaşdırılır. Məktəb fransız dilində uşaq bağçasından başlamış liseylə başa çatan tam təhsil verəcək. Bu barədə çərşənbə günü Bolgexeber.com-a diplomatik mənbələrdən məlumat verilib.

Bu, ARDNŞ-nin (Azərbaycan Respublikası Dövlət Neft Şirkəti) də qoşulduğu hər iki ölkənin Təhsil nazirliklərinin birgə layihəsidir.

Sarkozinin Bakıya səfəri zamanı yüksək səviyyədə təkbətək formatda və nümayəndə heyətlərinin iştirakı ilə geniş tərkibdə danışıqlar keçiriləcək.

İkitərəfli əlaqələrin, regional məsələlərin, eləcə də Ermənistan-Azərbaycan, Dağlıq Qarabağ münaqişəsinin nizamlanması məsələsinin müzakirəsi nəzərdə tutulur. ATƏT-in Minsk qrupunun həmsədrlərindən biri kimi Fransa danışıqlar prosesinin perspektivləri üzrə öz mövqeyini şərh edəcək.

Fransa Prezidentini Azərbaycanda fəaliyyət göstərən bir sıra Fransa şirkətlərinin nümayəndələri, bir neçə nazir müşayiət edəcək.

Sarkozinin Cənubi Qafqaz ölkələrinə səfəri oktyabrın 6-da başlayıb. Əvvəlcə o, Ermənistana səfər edib. Oktyabrın 7-də isə Sarkozi Azərbaycana və daha sonra Gürcüstana yollanacaq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]