Bizimlə əlaqə | Reklam
BolgeXeber.Com » Gündəm » Zeynəb Xanlarova: "Camaatı aldatmayın..."

Zeynəb Xanlarova: "Camaatı aldatmayın..."

12-05-2014, 11:30
Oxunub: 3 671 İctimai Televiziyanın birinci buraxılışı yayımlanan "Telemizan” verilişinin ilk qonağı xalq artisti, millət vəkili Zeynəb Xanlarova olub

Xalq artisti efirdə görünməməyinin səbəbindən danışıb və tez-tez ekranda görünərək qiymətdən düşməkdən qorxduğunu deyib: "Neçə illərin sənətkarıyam. Mən heç evimin eyvanına çıxıb hava da almıram. Bu ancaq xarici səfərlərdə mümkün olur. İnsanların gözünə çox girmək istəmirəm. Bütün kanallara hörmətim var, amma dəvətlərini qəbul etmirəm. Hər yerdən dəvət edirlər, oxumağımı istəyirlər. Mən yalnız AzTV-də və İctimai Televiziyada çıxış edirəm. Düşünürəm ki, "burda oxuyum, orda çıxış edim” düz deyil. Hörmətdən, qiymətdən düşməkdən qorxuram”.

Sənət aləminin bugünkü vəziyyətindən danışan Zeynəb Xanlarova ifaçılara məsləhətlər də verib: "Toya gedən müğənni olmamışam. Bu gün toya gedənləri də tənqid etmirəm. Mən konsertlərdən qazanırdım. Bugünkü müğənnilər toylardan qazanırlar, konsertlərdən pul götürə bilmirlər. Amma toya gedəndə də xalqı unutmayın. Camaatı aldatmayın... Mən bu sənətin adamıyam, bu aləmdən danışmaq istəyirəm. Sənət adamlarına sənətkar demək istəyirəm. Qoy toy oxuyanda da xalqı yaddan çıxarmasınlar. Nəyiniz var verin xalqa, bəhrəsini görəcəksiniz” (qafqazinfo.az).
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]