Bizimlə əlaqə | Reklam
BolgeXeber.Com » Gündəm » Bəxtiyar Hacıyev Nurettin Eresdən polisə şikayət edib

Bəxtiyar Hacıyev Nurettin Eresdən polisə şikayət edib

14-05-2014, 10:50
Oxunub: 3 900 Gənc fəal birgə iş qurmaq məqsədi ilə ona 30 min manat verdiyini, lakin türk iş adamının dələduzluq etməklə pulu qaytarmadığını bildirib.

“Müsbət dəyişikliklər” hərəkatının təsisçisi Bəxtiyar Hacıyev türkiyəli iş adamından polisə şikayət edib.

Səbail rayon Polis İdarəsinin 9-cu Polis Bölməsindən APA-ya verilən məlumata görə, Bakı şəhər sakini, 1982-ci il təvəllüdlü Bəxtiyar İlyas oğlu Hacıyev mayın 13-də polisə ərizə ilə müraciət edərək 2013-cü ilin avqustunda tanışı, Türkiyə vətəndaşı, 1977-ci il təvəllüdlü Nurettin Eres Salehettin oğluna birgə iş qurmaq məqsədi ilə 30 min manat verdiyini, lakin türk iş adamının dələduzluq etməklə pulu qaytarmadığını qeyd edib.

Daxil olan şikayət ərizəsi əsasında təhqiqat araşdırmasına başlanılıb.

Qeyd edək ki, Nurettin Eres də bir müddət əvvəl polisə müraciət edərək B. Hacıyev tərəfindən təzyiqə məruz qaldığını bildirmişdi. Həmin müraciət əsasında Nərimanov Rayon Polis İdarəsində Cinayət Məcəlləsinin 221-ci (xuliqanlıq) maddəsi ilə cinayət işi başlanıb. Bu il aprelin 14-də B.Hacıyev Türkiyə vətəndaşı Nurəddin Eresin şikayəti əsasında Nərimanov Rayon Polis İdarəsinə çağırılaraq ifadəsi alınıb.

B. Hacıyev isə APA-ya açıqlamasında Türkiyə vətəndaşı Nurəddin Eresin məktəb tikintisi adı ilə özündən borc aldığını, lakin sonradan müxtəlif bəhanələrlə pulu qaytarmadığını açıqlayıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]