Bizimlə əlaqə | Reklam
BolgeXeber.Com » Gündəm » Azərbaycanda zorlama ilə bağlı cəza sərtləşdirilir

Azərbaycanda zorlama ilə bağlı cəza sərtləşdirilir

16-05-2014, 16:50
Oxunub: 3 381 Cinayət Məcəlləsinin 149.3-cü maddəsinə dəyişikliklər təklif edilir.

Azərbaycanda zorlama yolu ilə cinsi əlaqə zamanı şəxsin ölümünə səbəb olma, şəxsi immun çatışmazlığı virusuna yoluxdurma, o cümlədən əməlin 14 yaşına çatmayan şəxsə qarşı törədilməsinə görə cəzalar sərtləşdirilir.

Milli Məclisdən APA-ya verilən məlumata görə, bununla bağlı Cinayət Məcəlləsinin 149.3-cü maddəsinə dəyişikliklər təklif edilir.

Dəyişikliklərə görə, zorlama (zərərçəkmiş şəxsə və ya başqa şəxslərə qarşı zor tətbiq etməklə və ya belə zor tətbiq etmə hədəsi ilə və ya zərərçəkmiş şəxsin köməksiz vəziyyətindən istifadə etməklə onunla cinsi əlaqədə olma) ehtiyatsızlıqdan zərərçəkmiş şəxsin ölümünə, ehtiyatsızlıqdan zərərçəkmiş şəxsin insan immunçatışmazlığı virusuna yoluxmasına və ya digər ağır nəticələrə səbəb olduqda, o cümlədən aşkar surətdə 14 yaşına çatmayan şəxs barəsində törədildikdə minimum cəza həddi 10 il olacaq.

Hazırda bu müddət 8 ildir.

Layihə Milli Məclisin növbəti iclasında müzakirəyə çıxarılacaq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]