Bizimlə əlaqə | Reklam
BolgeXeber.Com » Gündəm » Nüsrət Kəsəmənlinin oğlunun səhhəti pisləşdi, məhkəmə təxirə düşdü

Nüsrət Kəsəmənlinin oğlunun səhhəti pisləşdi, məhkəmə təxirə düşdü

16-05-2014, 17:05
Oxunub: 4 446 Nüsrət Kəsəmənlinin oğlunun səhhəti pisləşdi, məhkəmə təxirə düşdü

Bu gün Bakı Ağır Cinayətlər Məhkəməsində narkotik vasitələrin qanunsuz dövriyyəsi ilə bağlı mühakimə olunan Araz Kəsəmənlinin növbəti məhkəmə prosesi keçirilməli idi.

Virtualaz.org saytının prosesdə iştirak edən müxbirinin verdiyi məlumata görə, proses təxirə düşüb. Səbəb Araz Kəsəmənlinin səhhətində yaranmış problemdir.

Müttəhimin qardaşı Rəşad Kəsəmənli virtualaz.org saytına açıqlamasında bildirib ki, qardaşının təzyiqi enib, özünü pis hiss edib deyə onun məhkəmə zalına gətirilməsi münasib bilinməyib.

Qeyd edək ki, bu proses hakim Cavid Hüseynovun sədrliyi ilə keirilir.

Onu da yada salaq ki, ötən ilin iyun ayında həbsdən azad olunan Araz Kəsəmənli cəmisi 3 ay sonra təkrar həbsxana həyatı yaşamaq məcburiyyətində qalıb. Sentyabrın 17-də A.Kəsəmənliyə qarşı cinayət işi açılıb. Bu dəfə o, narkotik istifadəçisi kimi həbs olunub.

İlk gündən etibarən mətbuatda A.Kəsəmənlinin günahsız yerə həbs olunması ilə bağlı xəbərlər yer alıb. Həbsxanada cəza çəkdiyi müddətdə onun idmanla məşğul olması, namaz qılması, dinə bağlılığı, ümumiyyətlə, narkotikdən istifadə etməməsi deyilirdi.

Qeyd edək ki, Araz Kəsəmənli mərhum nəğməkar-şair Nüsrət Kəsəmənlinin oğludur. O, 1998-ci ildə qeyri-rəsmi yaşadığı qadını qətlə yetirməkdə ittiham olunaraq 15 il həbsxana həyatı yaşayıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]