Bizimlə əlaqə | Reklam
BolgeXeber.Com » Gündəm » Biləcəridə ev tikənin evini sökdülər (VİDEO)

Biləcəridə ev tikənin evini sökdülər (VİDEO)

18-05-2014, 12:20
Oxunub: 4 496 Vətəndaşın tikdirdiyi daş hasar və bünövrə qəsəbə nümayəndəliyi tərəfindən ağır texnika vasitəsilə sökülüb

14 il zəhmət hesabına pul yığıb torpaq alan Hacıyevlər ailəsi, ev tikə bilmir. ANS TV-nin məlumatına görə, əslində onlara sözügedən torpaqda ev tikməyə mane olan səbəblər bəllidir.

Cəmaləddin Hacıyev deyir ki, 14 ildir ailəsilə birgə Biləcəri qəsəbəsində kirayədə qalır. Vaxtilə Ukraynada işləsə də, məlum hadisələrdən sonra geri dönməli olub. Əlində olan qəpik-quruşla da özünə 3 sot torpaq alıb. Ev tikmək istəyərkən problemlərlə üzləşib. Səbəb isə aldığı torpağın sənədlərinin qaydasında olmamasıdır.

Cəmaləddin Hacıyevin sözlərinə görə, torpağı etibarnamə və qəsəbə bələdiyyəsinin qərarı ilə 2-ci şəxsdən alıb. Aldığı gündən də evin tikintisinə başlayıb. Amma 15 gün sonra tikdirdiyi daş hasar və bünövrə Binəqədi rayon İcra hakimiyyətinin Biləcəri qəsəbə nümayəndəliyi tərəfindən ağır texnika vasitəsilə sökülüb.

Binəqədi rayon İcra hakimiyyətinin Biləcəri qəsəbə nümayəndəliyindən bildirilib ki, sözügedən ərazi Dövlət Neft Şirkətinin balansındadır. Vətəndaşın əlindəki sənədlər ev tikmək üçün yetərli deyil. Ona görə də Cəmaləddin Hacıyev ev tikmək istəyirsə, ilk növbədə Dövlət Neft Şirkətinə müraciət etməlidir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]