Bizimlə əlaqə | Reklam
BolgeXeber.Com » Gündəm » “Turan“ klinikası qanunsuz fəaliyyət göstərir

“Turan“ klinikası qanunsuz fəaliyyət göstərir

19-05-2014, 10:40
Oxunub: 3 672 Baş həkim lisenziya müddətinin bitdiyini etiraf edir. Səhiyyə Nazirliyinin rəsmisi isə baş vermiş qanunsuzluğu hüquq-mühafizə orqanlarının araşdırmalı olduğunu bildirir.
Verilən məlumata görə, paytaxtda yerləşən özəl tibb mərkəzlərindən olan “Turan” klinikası lisenziyasız fəaliyyət göstərir.
Məlumatda bildirilir ki, Səhiyyə Nazirliyinin klinikaya verdiyi beşillik lisenziyanın müddətinin artıq iki aydır bitməsinə baxmayaraq, bu müddət ərzində klinika, qeyri-qanuni olaraq, fəaliyyətini davam etdirir. Bu isə ən azı hüquqi məsuliyyət deməkdir. Çünki lisenziya əsasında fəaliyyət göstərməyən klinikalarda vergidən yayınma halları olur və hüquqi proseslərin qanunla tənzimlənməsi həyata keçirilmir.
Baş həkim etiraf etdi
“Bəli, bizim klinikanın lisenziya müddəti bitib. Amma, biz, qanunsuz olaraq, fəaliyyət göstərmirik. Sadəcə olaraq, Səhiyyə Nazirliyinin bizə təqdim etdiyi beşillik lisenziyanın müddəti bitib. Biz onlara lisenziya üçün müraciət etmişik. Bəzi prosedurlardan sonra yenidən lisenziya alacağıq. İndi isə fəaliyyətimizi davam etdiririk”. Bunu Aktual.az-a “Turan” klinikasının baş həkimi Həmid Mustafayev bildirib.
Səhiyyə Nazirliyi məsuliyyəti hüquq-mühafizə orqanlarının üzərinə qoydu
Məsələ ilə bağlı Səhiyyə Nazirliyi mətbuat xidmətinin rəhbəri Anar Qədirli Aktual.az-a deyib ki, lisenziyanın müddəti bitəndən sonra fəaliyyət göstərmək qanunsuzdur:
“Bu qanunsuzluğa görə isə Səhiyyə Nazirliyi cavabdehlik daşımır. Bunu hüquq-mühafizə orqanları araşdırmalı və lazımi ölçü götürməlidir”, – deyə mətbuat xidmətinin rəhbəri sonda qeyd edib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]